Búgin Almaty metropolıteni ashylǵanyna 14 jyl tolýyn atap ótýde. Osy jyldar ishinde metro qala turǵyndary men qonaqtaryna jyldam, qaýipsiz jáne ekologıalyq taza tasymaldaý qyzmetin kórsetetin eń mańyzdy ári senimdi qoǵamdyq kólik túrleriniń birine aınaldy.

Jeli iske qosylǵan sátten bastap metropolıten 200 mıllıonnan astam jolaýshyny tasymaldady, al kún saıyn jerasty kóligi 120 myńnan astam jolaýshyǵa qyzmet kórsetedi.

Metronyń úzdiksiz jumysyn 1500-den astam maman qamtamasyz etedi - mashınıster, ınjenerler, dıspecherler, kasırler, stansıa kezekshileri, qaýipsizdik qyzmetiniń qyzmetkerleri jáne basqa da kóptegen kásibı mamandar.

Almaty metropolıteni belsendi damýyn jalǵastyrýda. Batys baǵytynda jelini keńeıtý boıynsha aýqymdy joba júzege asyrylyp jatyr. Qazirgi ýaqytta «Qalqaman» stansıasynyń qurylysy aıaqtalýǵa jaqyn, sondaı-aq «Barlyq» bazaryna deıingi taǵy úsh stansıanyń jobalaý jumystary júrgizilýde.

Metropolıtendi damytý qalanyń kólik júıesin jaqsartýǵa, halyqtyń mobıldigin arttyrýǵa jáne jaıly qala ortasyn qalyptastyrýǵa baǵyttalǵan mańyzdy qadam bolyp tabylady. 

"Almaty q. Metropolıteni" KMK baspasóz qyzmeti