Respýblıka kúni men Memlekettik egemendik týraly Deklarasıanyń 35 jyldyǵyna oraı, megapolıste «Keleshek mektepteri» ulttyq jobasy aıasynda tórt jańa bilim ordasy paıdalanýǵa berildi, dep habarlaıdy Qamshy.kz aqparat agenttigi. 

Jańa mektepter Alataý, Medeý jáne Naýryzbaı aýdandarynda ornalasqan. Onda jalpy 8 000-ǵa jýyq oqýshy bilim alady.

Oqý kabınetteri zamanaýı jıhazben, ınteraktıvti taqtalarmen jáne mýltımedıalyq qurylǵylarmen jabdyqtalǵan. Hımıa, fızıka jáne bıologıa pánderine arnalǵan zerthanalar tájirıbelik sabaqtar ótkizýge tolyq múmkindik beredi.

Ár mektepte keń sport jáne akt zaldary, kitaphana men medıateka, úıirme bólmeleri men demalys aımaqtary bar. Asqanalar jańa tehnologıalyq quraldarmen jabdyqtalyp, taǵam daıyndaýdyń tolyq sıkli qamtamasyz etilgen.

Ǵımarattar qaýipsizdik pen qoljetimdilik talaptaryna saı salynǵan: beınebaqylaý júıesi, órt dabyly jáne kirýdi baqylaý júıeleri ornatylǵan. Mektep aýmaqtary abattandyrylyp, kógaldandyrylyp, jaryqtandyrylǵan.