Túrkistan oblysynyń bas ımamy Erjan Tólepov ákesin soqqyǵa jyqqan er adamǵa qatysty pikir bildirip, onyń meshitke eshqandaı qatysy joq ekenin aıtty
"Áleýmettik jelilerde Túrkistan oblysy, Shardara aýdanynda ákesine qol kótergen azamattyń «meshittiń azanshysy» ekeni jóninde jalǵan aqparat tarady. Resmı túrde málimdeımiz:
- Atalǵan azamat Qazaqstan musylmandary dinı basqarmasynyń din qyzmetkeri emes;
- Ol meshitte eshqashan azan aıtpaǵan jáne resmı dinı qyzmet atqarmaǵan;
- Onyń qyzmeti din salasyna qatysy joq, qosymsha toı júrgizýshi (tamada).
Qazaqstan musylmandary dinı basqarmasy mundaı áreketterdi qatań aıyptaıdy. Sonymen birge, ata-anaǵa qurmet – árbir musylmannyń basty mindeti ekenin qalyń jurtshylyqtyń esine salady", dep jazdy Túrkistan oblysynyń bas ımamy.
Aıta keteıik, Shardara aýdanynda týǵan uly men kelininen zorlyq-zombylyq kórgen qarıa 4 qyrkúıek kúni qaıtys bolǵany belgili boldy.
