2025 jylǵy 9 qyrkúıekte Uıǵyr aýdany ákimdiginiń májilis zalynda Qazaqstan halqy Assambleıasynyń aýdandyq İ sesıasy uıymdastyryldy. İs-sharaǵa Almaty oblystyq Qazaqstan halqy Assambleıasy hatshylyǵynyń meńgerýshisi, oblystyq ishki saıasat basqarmasy basshysynyń m.a. Ásel Muratqyzy Djalǵaspaeva tóraǵalyq etti.
Sesıa barysynda Memleket basshysy Qasym-Jomart Kemeluly Toqaevtyń Qazaqstan halqy Assambleıasynyń HHHİV sesıasynda bergen tapsyrmalarynyń oryndalýy talqylanyp, aýdandaǵy birlik pen kelisimdi nyǵaıtýǵa baǵyttalǵan jumystar saralandy.
Jıynda Uıǵyr aýdanynyń ákimi, aýdandyq Qazaqstan halqy Assambleıasynyń tóraǵasy Bota Serikqyzy Eleýsizova sóz sóılep, Assambleıanyń qoǵamdaǵy róli men strategıalyq mańyzyna toqtaldy. Sonymen qatar, aýdandyq Aqsaqaldar keńesiniń tóraǵasy Jánet Sádiuly Kerimqulov, QHA múshesi Rıshat Lekımjanovıch Rozahýnov, aýdandyq analar keńesiniń tóraıymy Kúljahan Kákishqyzy Alıkeeva jáne Uıǵyr etnomádenı birlestiginiń tóraǵasy Arlen Senaluly Osmanov baıandama jasady.
Jastar tarapynan aýdandyq Assambleıa jastarynyń tóraıymy Aqjan Tileýberdiqyzy Segizbaeva sóz alyp, qoǵamdyq kelisim men etnosaralyq turaqtylyqty saqtaýda jastardyń belsendiligi erekshe ekenin atap ótti.
Sesıa sońynda qatysýshylar suraq-jaýap alańynda pikir almasyp, is-shara qorytyndylandy.
