Rýslan Jeldibaı prezıdent Qasym-Jomart Toqaevtyń kómekshisi ári baspasóz hatshysy bolyp taǵaıyndaldy, dep habarlady Aqorda.
«Memleket basshysynyń Jarlyǵymen Rýslan Sultanuly Jeldibaı Qazaqstan Respýblıkasy Prezıdentiniń kómekshisi – Prezıdenttiń Baspasóz hatshysy bolyp taǵaıyndaldy, ol burynǵy atqarǵan laýazymynan bosady», - dep habarlaǵan Aqorda.
Sondaı-aq, Toqaevtyń Jarlyǵymen Qýanyshbek Esekeev prezıdenttiń kómekshisi bolyp taǵaıyndaldy, ol da burynǵy atqarǵan laýazymynan bosady. Al prezıdenttiń Protokoly qyzmetiniń bastyǵy ári prezıdenttiń keńesshisi laýazymyna Marat Áshim taǵaıyndaldy.
Rýslan Jeldibaı 1989 jyly Jambyl oblysynda dúnıege kelgen. Rysqulov atyndaǵy Qazaq ekonomıkalyq ýnıversıtetin jáne Ýorvık ýnıversıtetin (Ulybrıtanıa) bitirgen. "Bolashaq" baǵdarlamasynyń túlegi.
Eńbek jolyn 2012 jyly "Qazaqstan" telearnasynda redaktor bolyp bastaǵan.
- 2012-2018 jyldary – "Almaty" telearnasynda bólim meńgerýshisi, prodúser;
- 2018-2019 jyldary – Aqparat jáne komýnıkasıalar komıtetiniń ınternet keńistigindegi jáne áleýmettik jelilerdegi aqparattyq jumys basqarmasynyń basshysy;
- 2019-2020 jyldary – Aqparat jáne áleýmettik damý mınıstrligi aqparat komıteti tóraǵasynyń orynbasary;
- 2020 jylǵy mamyrdan 2022 jylǵy aqpanǵa deıin prezıdent ákimshiliginiń ishki saıasat bólimi meńgerýshisiniń orynbasary boldy;
- 2022 jyldyń aqpanynan sáýirine deıin premer-mınıstr keńsesi basshysynyń orynbasary qyzmetin atqardy.
- Ol 2022 jyldyń sáýirinen 2023 jyldyń qańtaryna deıin prezıdenttiń baspasóz hatshysy qyzmetin atqardy.
-
2023 jylǵy 1 qyrkúıekten 2025 jyldyń 17 aqpanyna deıin – Qazaqstan prezıdentiniń ishki saıasat máseleleri jáne komýnıkasıalar jónindegi kómekshisi.
2025 jylǵy 17 aqpannan búginge deıin Qazaqstan prezıdentiniń keńesshisi – baspasóz hatshysy qyzmetin atqarǵan.
