Qazaqstan Respýblıkasynyń Premer-mınıstri Oljas Bektenov Sıfrlyq shtabtyń otyrysyn ótkizdi.
Onda Digital Qazaqstan-nyń ekonomıkanyń barlyq salalaryn transformasıalaýǵa arnalǵan Keń aýqymdy sıfrlandyrý jáne jasandy ıntellekt tehnologıalaryn jappaı engizý strategıasynyń júzege asyrý modeli qaralyp, bekitildi.
Model Sıfrlyq shtab sheńberinde basqarýdyń strategıalyq jáne operasıalyq deńgeıin qarastyrady. Operasıalyq basqarýdy bolashaq Sıfrlyq transformasıa jónindegi komısıa, ıaǵnı qazirgi Memlekettik qyzmetter kórsetý máseleleri jónindegi vedomstvoaralyq komısıa júzege asyrady.
Qujat Prezıdenttiń «Jasandy ıntellekt dáýirindegi Qazaqstan: ózekti máseleler jáne ony túbegeıli sıfrlyq ózgerister arqyly sheshý» atty Joldaýynda belgilengen tapsyrmalary sheńberinde ázirlenýde.
Shtab Strategıany ázirleý negizinde turaqty ekonomıkalyq ósimge qol jetkizý, «ortasha tabys tuzaǵyn» eńserý jáne Qazaqstan sıfrlyq memleket formatyna kóshýge tıis mindetterdi júzege asyrýǵa baǵyttalǵan birqatar sheshimder qabyldady.
Premer-mınıstr jaýapty memlekettik organdarǵa kvazımemlekettik sektormen jáne múddeli uıymdarmen birlesip atqarý úshin kelesideı tapsyrmalar berdi:
- 2025 jylǵy 5 jeltoqsanǵa deıin «muzjarǵysh» jáne tehnologıalyq bazısti qalyptastyratyn jobalardy jasaqtaý;
- 2025 jylǵy 31 jeltoqsan kúni Digital Qazaqstan-nyń sıfrlandyrý jáne jasandy ıntellektini damytý jónindegi Strategıasynyń jobasyn ázirleýdi aıaqtaý.
*****
Jasandy ıntellekt jáne sıfrlyq damý mınıstrliginiń málimeti boıynsha jańa Strategıa ulttyq «muzjarǵysh» jobalar júıesinde qurylmaq. Olardyń árqaısysynda jeke KPI-y jáne merzimderi bolady. 10 negizgi baǵytty qamtıdy. Olar – sıfrlyq memlekettik qyzmetter, densaýlyq saqtaý, bilim berý jáne eńbek naryǵy, sıfrlyq ekonomıka, derekter, kıberqaýipsizdik, robototehnıka, sıfrlyq ınfraqurylym, retteý jáne startaptar ekojúıesi.
Mysal retinde bilim berý salasy tańdaldy. «JI negizindegi ınteraktıvti bilim berý» jobasynda JI-ýnıversıtetin qurý, Tomorrow-school-dy keńeıtý, GPT Education engizý jáne oqýshylarǵa arnalǵan JI baǵdarlamasyn iske qosý kózdeledi. Bul jobalar sıfrlyq saýattylyqtyń ósýin jáne Qazaqstannyń PISA reıtıńindegi pozısıasyn jaqsartýǵa múmkindik berýi tıis.
Strategıany júzege asyrý JI esebinen ekonomıkalyq ósýdi jedeldetýge, avtomattandyrý jáne sıfrlyq servıster esebinen eńbek ónimdiligin arttyrýǵa, memlekettik qyzmetter men sheshimder qabyldaý merzimderin qysqartýǵa, jańa joǵary tehnologıalyq salalar men jumys oryndaryn ashýǵa, STEM salalarynda jańa sıfrlyq mamandardy daıarlaýǵa ákeledi dep kútilýde.
Premer-mınıstrdiń orynbasary – jasandy ıntellekt jáne sıfrlyq damý mınıstri Jaslan Mádıev álemde JI-ge salynatyn ınvestısıalar joǵary qarqynmen ósip kele jatqanyn aıtty. 2028 jylǵa qaraı kóshbasshy elderde JI ınvestısıalary ortasha eseppen jyldyq JİÓ-niń 4-6%-na jetedi, bul JI-dy ekonomıkalyq ósýdiń negizgi draıverleriniń biri retinde aıqyndaıdy. Álemdik tájirıbe kórsetkendeı, mundaı ınvestısıalardyń negizgi bóligi (65%-ǵa deıin) serverlerdi, derekterdi saqtaý júıelerin jáne esepteý klasterlerimen qatar IT-jabdyqqa baǵyttalady, al servıster men baǵdarlamalyq qamtamasyz etý sáıkesinshe 15-20% jáne 20-25%-dy quraıdy.
Anyqtama:
2018-2024 jyldary Qazaqstandaǵy elektrondyq saýdanyń úlesi 2,6%-dan 14,5%-ǵa, qolma-qol aqshasyz tólemder 30%-dan 89%-ǵa deıin ósti. Sıfrlyq saýattylyq deńgeıi 83%-dan 91,2%-ǵa, memlekettik qyzmetterdiń elektrondyq formaty 80%-dan 93,3%-ǵa, ınternet qamtý 82%-dan 96%-ǵa deıin kóterildi. Sıfrlyq ekonomıka mamandarynyń sany 182-den 190 myńǵa ósti, al startaptarǵa ınvestısıalar – $200 mln-nan $665,5 mln-ǵa artty. EGDI reıtıńinde Qazaqstan óz pozısıasyn 28-shi orynnan 24-shi orynǵa deıin jaqsartty. Bul nátıjeler jańa aýqymdy Strategıaǵa kóshýge negiz boldy.
