Reseı–Ýkraına soǵysyn toqtatýǵa baǵyttalǵan beıbit kelisim jobasy qyzý talqylanyp jatyr. Sońǵy málimetter boıynsha:

Ótken aptada Tramp ákimshiligi qoldaǵan 28 tarmaqtan turatyn jospar Ýkraına men Eýropa odaǵyndaǵy odaqtastar tarapynan synǵa ushyraǵan. Sebebi qujat Reseıdiń paıdasyna jasalǵan dep baǵalanǵan.

Keıin jospar qaıta óńdeldi, alaıda jańartylǵan nusqanyń mátini ázirge jarıalanǵan joq.

Ýkraına prezıdenti Vladımır Zelenskıı jańa joba boıynsha «birqatar sezimtal máseleler» eskerilse, kelissózderdi jalǵastyrýǵa daıyn ekenin málimdedi.

Al AQSH prezıdenti Donald Tramp arnaıy ókili Stıv Ýıtkofty Reseı prezıdenti Vladımır Pýtınmen kelissózder júrgizý úshin Máskeýge jiberip, «kelisimge jaqyndap qaldyq» dep otyr.

Jańa jospardyń mazmuny týraly tolyq aqparat joq, biraq keıbir mańyzdy tustar ózgergeni belgili. Sońǵy aqparattarǵa sáıkes, qujatta ýkraın áskerin Donbasstan shyǵarý talaby joq. Sonymen qatar joba boıynsha Ýkraınanyń NATO-ǵa qosylýyna jáne óz armıasyn saqtaýyna ruqsat beriledi. Al, buǵan deıin Zelenskıı  Ýkraınanyń aýmaqtaryn Reseıge bermeıtinin eskertken.