Túrkistan oblysynda ákesin aıaýsyz urǵan er adamǵa qylmystyq is qozǵaldy, onyń áıeli de jaýapqa tartylady, dep habarlaıdy oblystyq polısıa departamenti.
Qazirgi ýaqytta er adamǵa qatysty polısıa "Jábirlenýshiniń ólimine ákep soqqan densaýlyqqa qasaqana aýyr zıan keltirý" babymen qylmystyq is qozǵaǵan.
"Kúdikti ustaldy jáne ýaqytsha ustaý ızolátoryna qamaldy. Qazir ol sottyń sanksıasymen qamaýda otyr. Sonymen qatar áıelge qatysty qylmystyq is qozǵaldy. Sotqa deıingi tergeý júrip jatyr", - deıdi vedomstvo.
Eske sala keteıik, Shardara aýdanynda er adam qart ákesin qan-josa etip aıaýsyz soqqyǵa jyqty. Jantúrshigerlik oqıǵanyń beınejazbasy áleýmettik jelide tarady.
