Astana ákimi Jeńis Qasymbek LRT-nyń alǵashqy poıyzy qashan iske qosylatynyn aıtty. Buǵan deıin qala basshysy LRT testik rejımde iske qosylatynyn málimdegen bolatyn.
"Qyrkúıek áli aıaqtalǵan joq. Kelesi aptada qyrkúıektiń 29-30 kúnderi alǵashqy poıyzdy iske qosamyz ba dep otyrmyz. Ábý-Dabı men Máńgilik eldegi kópirge qaraı jiberetin shyǵarmyz. Odan keıin kún saıyn jumys ýaqytyn uzartamyz. Sóıtip, poıyz baratyn joldy da, stansıalardy da kóbeıtetin bolamyz", - dedi Qasymbek jýrnalıserge bergen suhbatynda.
Qala basshysy poıyzdardyń sany da artatynyn atap ótti.
"Sóıtip, jeltoqsannyń sońyna, qańtardyń ortasyna qaraı barlyq poıyz testik rejımde júredi", - dep atap ótti ákim.
Ákimniń aıtýynsha, LRT-da jol júrý aqysy 200 teńge shamasynda bolady.
“Jalpy, testtk rejım úsh aıdan alty aıǵa deıin sozylady. Qazan aıynda taǵy 8 poıyz, al jeltoqsanǵa deıin tolyǵymen 18 quram keledi. Bári durys bolyp, testen durys ótse, kelesi jyldyń birinshi toqsanynnyń sońyna deıin LRT-ny tolyǵymen iske qosamyz ”, - dep túıindedi Qasymbek.
