Ermek Kósherbaev Syrtqy ister mınıstri bolyp taǵaıyndaldy, dep habarlaıdy Aqorda.
"Memleket basshysynyń Jarlyǵymen Ermek Bedelbaıuly Kósherbaev Qazaqstan Respýblıkasynyń Syrtqy ister mınıstri bolyp taǵaıyndaldy, ol burynǵy atqarǵan laýazymynan bosatyldy", – delingen habarlamada.
Aıta keteıik, Ermek Kósherbaev 1965 jyly 2 mamyrda Almatyda dúnıege kelgen. Ol 1988 jyly Qırov atyndaǵy Qazaq memlekettik ýnıversıtetin tarıhshy mamandyǵy boıynsha, keıin 1993 jyly KSRO Syrtqy ister mınıstrliginiń Dıplomatıalyq akademıasyn halyqaralyq qatynastar jáne syrtqy saıasat mamandyǵy boıynsha támamdaǵan.
Eńbek jolyn syrtqy ister mınıstrliginde bastap, keıin Qazaqstan prezıdenti ákimshiligi, elshilik, premer-mınıstr apparaty, iri memlekettik jáne jeke kompanıalar, sondaı-aq túrli qoǵamdyq jáne saıası uıymdarda qyzmet atqarǵan.
Ol Qazaqstandaǵy iri memlekettik kompanıalarda jáne saıası uıymdarda basshylyq qyzmetterdi, sondaı-aq oblys ákiminiń orynbasary men birinshi orynbasary, vıse-mınıstr, mınıstrlikterdiń jaýapty hatshysy, Qazaqstannyń Reseı Federasıasyndaǵy Tótenshe jáne Ókiletti Elshisi, sondaı-aq Shyǵys-Qazaqstan oblysynyń ákimi laýazymdaryn atqarǵan.
2025 jylǵy 14 aqpannan bastap Qazaqstan Respýblıkasynyń premer-Mınıstriniń orynbasary qyzmetin atqaryp keledi. Ol qazaq, orys, aǵylshyn, nemis jáne koreı tilderin meńgergen.
