Londondaǵy sheshýshi kelissózder: Ýkraınaǵa qysym kúsheıgen tusta Eýropa óz rólin kúsheıtpek

Dúısenbide Londonda Ýkraına prezıdenti Vladımır Zelenskıı, Ulybrıtanıa premeri Kıer Starmer, Fransıa prezıdenti Emmanýel Makron jáne Germanıa kansleri Frıdrıh Mers soǵysqa núkte qoıý jónindegi kelissózderdiń taǵdyryn talqylaıdy.

Kezdesý AQSH-tyń Kıevten aýmaqtyq jeńildikterdi qarastyrýdy talap etken jańa beıbit josparynan keıin ótýde. Tramp ákimshiliginiń ókilderi men Zelenskııdiń jańa bas kelissózshi Rýstem Ýmerov júrgizgen úsh kúndik kelissózderde ilgerileý az boldy. Tramp tipti Zelenskııdi “jospardy oqymady” dep synady.

Eýropalyq kóshbasshylar AQSH usynǵan nusqalardyń Reseıge tym tıimdi bolyp ketýinen alańdaýly. Olar Ýkraına bolashaqta ózin ózi qorǵaı alatyndaı naqty qaýipsizdik kepildikterin talap etedi. London men Parıj “eriktiler koalısıasyn” qurý usynysyn alǵa tartyp otyr.

Kelissózderdegi eń daýly tustar – Reseı basyp alǵan shyǵys óńirlerine qatysty aýmaqtyq másele jáne Zaporoje AES-iniń bolashaǵy. Máskeý Donesk pen Lýganskqa óziniń tolyq baqylaýyn talap etip otyr.