Májilis tóraǵasy parlamentte kimniń qojaıyn ekenin úkimet ókilderiniń esine saldy. Nurlan Nyǵmatýlın bir-birine sóz berip, bılep-tóstemek bolǵan mınıstrlerge shúılikti. Aldyńǵy spıkerlerdiń jumsaqtyǵyn paıdalanyp erkinsip ketken sheneýnikter Nyǵmatýlın myrzanyń buǵan deıingi tóraǵalyq etken kezindegi qatańdyǵyn umyta bastaǵan syńaıly.
Bul týraly 31 arna habarlaıdy.
Túske deıin respýblıkalyq búdjet máselesin talqylap, úzilisten soń mindetti medısınalyq saqtandyrý taqyrybyna qatysty qaıta jınalǵan depýtattardyń saýaly kóp boldy. Bári de, bir qazanǵa quıylatyn halyqtyń qarajaty talan-tarajǵa túspeı me dep alańdaıtyn syńaıly.
GENNADII SHIPOVSKIH, QR Parlamenti Májilisiniń depýtaty:
- Erteńgi kúni sol quıylǵan aqshalary alaıaqtyq jasalyp syrt elderge ketpeýine qandaı kepildik bar? Qordyń bankrottyqqa ushyraýy múmkin be?
Bul suraqqa jaýap bergen densaýlyq saqtaý jáne áleýmettik damý mınıstri Tamara Dúısenova spıkerdiń qaharyna ilikti.
TAMARA DÚISENOVA, QR Densaýlyq saqtaý jáne áleýmettik damý mınıstri:
- Ekonomıkanyń aýytqyp, jaǵdaıy nasharlaǵan kezde qarajattyń kópshiligi memleket tarapynan túsetin bolady. Al ekonomıkanyń turaqty jaǵdaıynda bolatyn bolsa, qarajattyń kóbisi jumys berýshiler men jumysshylardan túsetin bolady. Aktýaldy esepterdi ótkizdik. Qarjy mınıstrligi eger de qosymsha aqparat beretin bolsa, berer degen úmittemiz.
- Árıne, "jaman úıdiń qonaǵy bıleıdi" deıdi. Tóraǵa bar ǵoı. Beredi sózdi. Áýeli ózińe jaýap ber.
- Keshirińiz.
Bul - Nurlan Nyǵmatýlınniń úkimet ókilderine birinshi eskertýi emes. Ótken aıda áriptesteriniń suraǵyna uzyn-sonar jaýap berip jatqan qorǵanys mınıstrine "ıa nemese joq deńiz" dep tyıyp tastaǵan-dy. Al 5-shi shaqyrylymda tóraǵalyq etken kezinde sol ýaqytta endi ǵana taǵaıyndalǵan jańa mınıstr Erbolat Dosaevtyń depýtattarǵa "Báke" dep sóz sóılegeni unamaı qalǵan bolatyn.
- Ý mená prosba k vam: komplımentarnostv nashem nasıonalnom stıle ostavte dlá zastolıı - vake, bake. Eslı obrashaetes k depýtatý, to po ımenı ı ochestvý
BAQYTNUR ÁLİBAI, Tilshi:
- Jalpy mindetti medısınalyq saqtandyrýǵa qatysty birqatar syn aıtylyp, usynystar da ortaǵa salyndy. Biraq, aınalyp kelgende depýtattar bul zań jobasyn biraýyzdan maquldap jiberdi. Tek, birdi-ekili májilismenniń "aıtylǵan eskertpeler eskerilmese ekinshi oqylymda quptamaımyz" dep minez kórsetkeni bolmasa.
