2016 jyly 10-11 jeltoqsanda Tegeranda saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi Qazaqstan-Iran úkimetaralyq komısıasynyń 15-otyrysy ótti.
Otyrys aıasynda QR Investısıalar jáne damý mınıstrligi Týrızm ındýstrıasy departamentiniń dırektory Marat Igalıev Irannyń týrısik bılik ókilderimen kelissózder júrgizdi. Taraptar jaqyn ýaqytta QR Investısıalar jáne damý mınıstrligi men Iran Islam Respýblıkasynyń mádenı mura, týrızm jáne qolóner uıymy arasynda ózara toptyq týrısik saparlardy jeńildetý jónindegi memorandým ázirleýge kelisti.
Kelisim Qazaqstan men Iran azamattarynyń ózara toptyq týrısik saparlary salasyndaǵy ózara tıimdi yntymaqtastyqty júzege asyrýǵa quqyqtyq jáne uıymdastyrýshylyq negiz qalyptastyrady. Qujat quramynda 5-ten 50-ge deıin adam bolatyn týrısik toptar úshin vızalyq rejımdi jeńildetedi. Eki eldiń týrısik bıligi Qazaqstan men Iranǵa baratyn týrısik toptardy jasaqtaýǵa jaýapty jergilikti týroperatorlar tizimin almasatyn bolady.
Sondaı-aq, Qazaqstan-Iran úkimetaralyq komısıasynyń otyrysy aıasynda Qazaqstan Respýblıkasy Úkimeti men Iran Islam Respýblıkasy Úkimeti arasyndaǵy iskerlik maqsattaǵy vızalardy rásimdeý tártibi týraly Kelisimge qol qoıý máselesi de talqylandy.
QR Investısıalar jáne damý mınıstrligi Týrızm ındýstrıasy departamentiniń dırektory Marat Igalıev atap ótkendeı, «Eki el arasyndaǵy týrısik almasýlardy damytýda ózara toptyq týrısik saparlardy jeńildetýdiń úlken mańyzy bar. Iran Qazaqstannyń týrızm salasyndaǵy perspektıvaly seriktesi bolyp tabylady. 80 mln-ǵa jýyq halqy bar. Bizdiń el ırandyq týrıserge ekologıalyq, oıyn-saýyq, mádenı-tarıhı týrızm múmkindikterin jáne basqa da demalys túrlerin usyna alady. Óz kezeginde Iran jańa týrızm strategıasyna sáıkes, 2025 jylǵa qaraı jyl saıyn 20 mln. týrıs qabyldap, týrızmnen 30 mlrd. dollar paıda tabýdy kózdep otyr. 2015 jyly Iranǵa 5,2 mln sheteldik týrıs kelgen. 2016 jyly Iran Qazaqstannan jáne taǵy 57 elden keletin demalýshylarǵa áýejaıda úsh aıǵa vıza berýdi bastady. Bul el saıahattyq týrızm múmkindikterin usynyp (Iranda IýNESKO-nyń mádenı mura tizimine engen 17 nysan bar), sonymen birge demalýshylardy qaýipsizdiktiń joǵary standarttarymen qamtamasyz etedi. Halyqaralyq sanksıa alynǵaly alǵash ret Irannyń Iran Air áýekompanıasy Boeing kompanıasymen 80 ushaq satyp alý boıynsha kelisimge qol qoıdy. Jalpy aıtqanda, Iranmen týrısik yntymaqtastyqtyń áleýeti úlken ekenin baıqap otyrmyz. Sondyqtan, birlesken jobalar men baǵdarlamalardy júzege asyrý, onyń ishinde Kaspıı teńizinde sý týrızmin damytý josparlanyp otyr».
