Jyldyń basynan SQO DVD kóshi-qon polısıa basqarmasynda 531 adam eki eldiń azamattyǵymen júrgeni anyqtaldy. Atalmysh azamattar Reseı Federasıasynyń azamattyǵyn alǵannan soń, Qazaqstan Respýblıkasynyń azamattyǵyn dáleldeıtin tólqujat pen jeke kýálikterin ótkizbegen. Bul jaıynda SQO-nyń DVD baspa qyzmetiniń basshysy Madına Balgashýkova málimdedi dep habarlaıdy liter.kz, málimettiń qazaqsha nusqasyn «Qamshy» portaly oqyrman nazaryna usynady.

Eki el azamattyǵymen júrgen adamdardyń aılasy ashylyp qalǵan soń, SQO turǵyndarynyń Reseı Federasıasynyń azamattyǵyn alǵan kúnin anyqtap, kóshi-qon polıseı qzmetkerleri tirkep qoıǵan.

Reseı azamaty atanyp alyp Qazaqstan azamattyǵyn paıdalanyp júrgenderge qatysty QR Kodeksiniń 496 baby boıynsha 80 adam jaýapqa tartyldy. Belgili bir járdemaqy alý maqsatynda Qazaqstan azamattyǵyn qoldanbaǵan 451 adamdy ákimshilik jaýapqa tartpaı, qujattaryn alyp qoıýmen shektelgen.  Sonymen qatar, mundaı zań buzýshylyqqa tólenetin aıyppul kólemi 100 AEK, soltústiktiń turǵyndary úshin bul somma eń tómengi jalaqymen birdeı.

Madına Balgashýkovanyń aıtýynsha, eki el azamattyǵymen júrgen adamdardyń arasynda túrli uıymdar men mekemelerdiń basshylary, sonymen qatar bir memleket qyzmetkeri bar eken. Ol qyzmetinen qýylyp, 300 AEK kóleminde aıyppul tólegen.