2 jyl buryn 10 jylǵa qamalǵan 69 jastaǵy Jaklın Savajdy(Jacqueline Sauvage) bosatý kampanıasy aqpan aıynda bastalǵan edi.
Fransıada 47 jyl jubaılyq ǵumyrynda ózinde zorlyq-zombylyq kórsetken kúıeýin óltirgen Jaklın Savajǵa Fransıa prezıdenti Fransýa Olland keshirim jasady. Bul týraly BBC-diń túrik qyzmeti jazdy.
Savajdyń kúıeýi Nobert Marot áıelimen qatar balalaryna da zorlyq kórsetken. Úsh qyzynyń ekeýin birdeı zorlaǵan. Ol uryp-soqqannan keıin kúıeýi asylyp ólgen.
Fransıada tolqý týǵyzǵan osy qylmysqa baılanysty prezıdent Fransýa Olland aqpan aıynda Sabajǵa ishinara raqymshylyq jasaǵan bolatyn.
Ollandtyń tolyqtaı keshirimimen Jaklın Savaj keshe bostandyqqa shyqty. Olland Twitter habarlamasynda «Jaklın Sabajdyń qalǵan jazasy úshin keshirim jasaımyn. Bul raqymshylyqpen qamaýdan dereý bosatylady» dep jazdy.
Sońynan Elıseı saraıynan jasalǵan málimdemede Olland «Áıeldiń orny túrme emes, otbasynda bolýǵa tıis dep oılaımyn» degen.
Prezıdenttiń bul sheshimi Sabajdy bosatý úshin kampanıa bastatqan toptar aıasynda súıinishpen qabyldandy. Aıta ketsek, Sabaj uly asylyp qalǵan kúnniń ertesinde kúıeýin tapanshamen atyp óltirgen. Al, ony bosatý kampanıasyn qoldaǵandar sany ishinde depýtattarmen qosa 430 myń adamdy quraǵan. Kampanıany qoldaýshy retinde Prezıden Olland Sabajdyń úsh qyzymen kezikkennen keıin shartsyz túrde analarynyń bostandyqqa shyǵýyn qamtamasyz etti.
Aıta ketsek, Nobert Marottan 47 jyl zábir kórgen áıel 4 ret aýyr jaǵdaıda aýrýhanaǵa túsken.
2012 jyldyń 9 qyrkúıeginde uly ózin asyp óltirdi.
2012 jyldyń 10 qyrkúıeginde kúıeýin tý syrtynan úsh oq atyp óltirdi.
2014 jyly qazan aıynda «qastyqsyz adam óltirýden» 10 jyl túrmege kesildi.
2015 jeltoqsan Apelásıalyq sot sheshimin kúshinde qaldyrdy.
2016 qańtar prezıdent Olland Savajdyń qyzdarymen kezdesip, quqyqtyq oryndardan Savajdy merziminen buryn bosatýdy ótindi. Konstıtýsıalyq quqyn paıdalanyp, ishinara raqymshylyq jasady. Degenmen sot Savaj «jasaǵan qylmysyna keshirim suramaǵany» úshin Savajdy tolyqtaı bosatpady.
2016 jyl, 28 jeltoqsan, Savaj prezıdenttiń raqymshylyǵymen tolyqtaı bosap shyqty.
