AQSH-ta saılanǵan prezıdent Donald Tramptyń ulyqtaý rásiminde ótetin sharaǵa jaýapty arnaıy qyzmeti men polısıasy bassyzdyqtar oryn alý qaýpine alańdaýshylyq bildirip otyr. Bul týraly RIA Novostı New York Times gazetine silteme jasap habarlaıdy.

Baspasóz habarlaǵandaı, «saılaýdan keıin áli de basylmaǵan daý, bytyrańqy topqa bólingen amerıkalyqtardyń qaqtyǵysýy oryn alýy múmkin» dep topshalaǵan uıymdastyrýshylar alańdaýshylyq bildirip otyr.

Gazettiń málimetinshe, ulyqtaý kúni qaýipsizdikti qamtamasyz etý úshin 30 qyzmet orny jumyldyrylǵan. Prezıdenttiń qaýipsizdigi 100 mıllıon dollardy quraıdy dep kútilip otyr.

Bılik ókilderiniń sózinshe, Trampty jaqtaýshylar men dattaýshylardyń qaqtyǵysyn týdyrmaýǵa basymdylyq berilgenimen, jergilikti jáne shetel ekstremısterinen týatyn qaýiptiń de aldyn alý da «basty sharýa» bolmaq.

Tramptyń ulyqtaý rásimi 20 qańtar kúni Vashıngtonda AQSH kongresi ornalasqan Kapıtolıı ǵımaratynyń mańynda ótedi. Gazettiń sózine sensek,  rásimge úsh mıllıonǵa  deıin adam qatysady.