Qytaıtyń Taıýn qalasynyń ortalyǵynda Shansı aımaǵynda AQSH-tyń prezıdenti Donald Tramptyn aınymaıtyn altyn aıdarly, qabaǵyn shytyp turǵan taýyq músinin jasaǵan dep habarlaıdy lenta.ru, málimettiń qazaqsha nusqasyn «Qamshy» portaly oqyrman nazaryna usynady.

Músindi jergilikti saýda ortalyǵyna qarasty bir kompanıanyń tapsyrysymen salǵan. N1 ArtWalk Mall  uıymdastyrý ortalyǵynyń basshysy Sao Mınlán tilshilerge «2017 jyl taýyq jyly bolǵandyqtan,  bul músin keler jyldyń arnaıy belgisine aınalady» dep túsindirdi.

Internet jelisinde atalmysh músinniń kóshirmeleri satylýda. Donald Tramptyń shash úlgisimen jasalǵan músinniń kishkentaı túrin 57 dollarǵa satyp alýǵa bolady, al 1739 dollarǵa onyń úlken 10 metrlik músinin ıelenýge bolady.

Mundaı taýyq músinin satýmen aınalysatyn kompanıalardyń birindegi kásipker Veı Sın bul taýyqtyń kúlkili kórinetindigin aıtty. «Menińshe, óte ádemi ári kúlkili taýyq. Qasy men shash úlgisi AQSH-tyń perzıdenti Donald Tramptan aınymaıdy. Bul músin satyp alýshylardy qyzyqtyratynyna senimdimin», - dedi ol.

Qarasha aıynda Hanchjoý qalasyndaǵy safarı-parkindegi altyn tústi qyrǵaýyldyń Trampa uqsas ekendigin baıqaǵan kezde jurtshylyqqa tanyla bastaǵan.