15 jasar beıtanys qyzdyń týǵan kúnin atap ótýge myńdaǵan adam Meksıka shtaty San-Lýıs-Potosıǵa aǵyldy. Týǵan kúnge shaqyrý týraly aqparat halyq arasynda tez taralyp ketti. Shaqyrýda qonaqtarǵa - tegin taǵam berilip, jandy mýzyka oınap, báıge uıymdastyrylatynyn aıtqan. Jeńimpazǵa 10 myń peso (500 dollarǵa jýyq)  berýge ýáde etildi.

Shaqyrý týraly jarty Meksıka bildi. Ǵalamtorda ony 800 myńǵa jýyq adam kórgen. Rýbıdiń týǵan kúni týraly telearnalarda da aıtyla bastady. Meksıkandyq akter Gael Garsıa Bernal shaqyrýǵa parodıa jasady. Belgili mýzykanttar Larrı Ernandes pen El Komander merkege barǵysy keletinin aıtqan.

Uber taksılerge Rýbıdiń esimi bar promokodti qoldanǵandarǵa jeńildik engizgen. Interjet áýekompanıasy «Rýbıdiń týǵan kúnine ushaqpen ushyp baryńdar» degen uran oılap tapty.

Facebook-te merekege 1,2 mıllıon adam jazylǵan. Onyń myńy ýádesinde turyp Rýbıdiń týǵan kúnine qatysqan. Qyzdyń otbasy qonaqtarǵa arnap ondaǵan ústel jaıyp, palatkalar qurdy. Týǵan kún ıesi quttyqtap kelgenderdi ózi qarsy aldy.

Rýbıdiń ákesi bir suhbatynda týǵan kúnge shaqyrý nelikten halyq arasynda qyzý talqylanǵanyn túsinbeıtinin aıtqan. Ol beınejazbany tek dostary men kórshileri ǵana kóredi dep oılaǵan.

2011 jyly aýstralıalyq oqýshy Facebook paraqshasynda týǵan kúnine shaqyrý jazǵan. 200 myńǵa jýyq adam kelýge ýáde bergenin bilgende shaqyrýdy óshirip, polısıaǵa barǵan.

Derek kóz: lenta.ru