Ýkraınanyń ulttyq qaýipsizdik jáne qorǵanys keńesi beısenbi kúni Reseıdiń resmı tulǵalaryna qatysty jańa sanksıa salý týraly qaýly shyǵardy dep habarlaıdy bbc.com.

UQQK baspasóz málimdemesinde «Basyp alynǵan Qyrym avtanomıaly respýblıkasy men Sevastopol qalasynda Reseıdiń memlekettik dýmasyna zańsyz saılanǵandarǵa qarsy sanksıa salyndy. Dálirek aıtsaq, Reseı zańy boıynsha zańsyz qaıta tirkelgen Qyrymdaǵy ýkraındyq saılaý komısıasynyń múshelerine» dep kórsetilgen.  

Ulttyq qaýipsizdik jáne qorǵanys keńesiniń sheshiminde naqty adamdardyń aty-jóni keltirilmeıdi. Alaıda jańa sanksıa salynǵan adamdardyń sanaty aıtylady.

Sanksıa Reseıde Ýkraına azamattaryn zańsyz ustaýǵa qatysy bar sot pen quqyqqorǵaý organdaryna salynady.

Shet elge qashyp ketip, izdestirilip jatqan Ýkraınanyń buryńǵy basshylary jóninde bólek aıtylady. Reseıdiń Ýkraınaǵa qarsy agresıasyna baǵyttalǵan terorıstik áreketterdi qarjylandyrdy degen aıyppen UQQK olarǵa qarsy sanksıa saldy.

Qyrkúıek aıynda Ýkraınanyń Joǵary Radasy Qyrymda ótken saılaýdy zańsyz dep tapty.