Qýandyq Bıshimbaevtyń isine qatysty jańa derek! Burynǵy Ulttyq ekonomıka mınıstri búdjet aqshasyn jymqyryp qana qoımaı, qyzmetin de aqyly túrde paıdalanǵan deıdi tergeýshiler. Iaǵnı, teńgesin tólegenderge mınıstrlik tarapynan qoldaý jasap, tipti zańsyz isterge deıin kórmegendeı syńaı tanytqan, dep habarlaıdy Ktk arnasy.

Jemqorlyqqa qarsy ulttyq búro olardyń naqty kim ekenin ázirge ashyp aıtqan joq. Belgilisi, zańdy belsheden basqan eks-mınıstrge qatysty taǵy birneshe bap boıynsha is qozǵalǵan. Aıta keteıik, Qýandyq Bıshimbaev «Báıterek» holdıńin basqarǵan kezde Qyzylordadaǵy shyny zaýytynyń qurylysyna bólingen qarjynyń mıllıard teńgesin qaltaǵa basty dep aıyptalýda. Biraq ulttyq búro, Bıshimbaev qoldy qylǵan aqshanyń kólemi taǵy artýy múmkin dep otyr. Eks-mınıstrdiń ózi qazir tergeý ızolátorynda jatyr.