Kúdiktilerge memlekettiń qatań baqylaýyndaǵy mıkroelektrondy bólshekterdi eksporttaǵany úshin aıyp taǵylýda. Erekshe qupıa saqtalatyn tehnologıany qylmysty top Reseıdiń barlaýshy jáne áskerı mekemelerine jetkizip otyrǵan. Ónerkásiptik tyńshylar sársenbi kúni Hústonda sot aldynda jaýap beredi. Sodan keıin tergeý amaldary Nú-Iorkte jalǵaspaq. Prokýratýranyń málimeti boıynsha, qylmystyq top AQSH-ta 2008-2012 jyldar aralyǵynda jumys istep turǵan. Aıyptalýshylar elektronıka daıyndaýshylar retinde jasyryn jumyspen aınalysqan. Iaǵnı, Tehasta Aleksandr Fıshenko degen azamattyń basshylyq etýimen Arc Electronics atty fırma qurylǵan. Onyń fırmasy baǵdarsham shyǵarýmen aınalysqan. A.Fıshenko Qazaqstanda týǵan. Lenıngrad elektrotehnıka ınstıtýtyn támamdaǵan. 1994 jyly AQSH-qa qonys aýdaryp, 2003 jyly Amerıkanyń azamattyǵyn alǵan.   «www.bnews.kz».