Nurtas Adambaıdyń áleýmettik jeli paraqshasynda jazylǵan pikirin «Qamshy» portaly qazaqsha nusqada jarıalaǵan bolatyn. Sońǵy kezderi aınalasynan daý arylmaı júrgen mega juldyzdardyń biri Nurtas Adambaıǵa áleýmettik jeli qoldanýshylarynyń tarapynan biraz synı pikirler aıtylyp júr. Olardyń basym kópshiligi qazaq tiline qatysty, ıaǵnı «Nege qazaqsha sóılemeısiń?» nemese «Nege qazaq tilinde jazbaısyń?» degen sıaqty suraqtar qoıylyp jatyr. Atalmysh máselege qatysty Nurtas Adambaı óziniń áleýmettik jeli paraqshasynda arnaıy post jazyp qaldyrǵan bolatyn, alaıda orys tilinde. Ózine qaratylyp aıtylyp jatqan synı pikirlerge akter jaýap beremin dep, basy taǵy da daýǵa qalǵany belgili boldy. Endegi kezek te Nurtas Adambaı halyqqa degen óz úndeýin vıdeo arqyly joldap otyr.

«Qurmetti dostar, bárińe sálem! Meniń til týraly jazǵan postymdy durys túsinbegenderge túsindirgim keledi. Meniń oıymsha árbir azamat óziniń memlekettik tilin bilýi qajet. Qazaqstanda ol – qazaq tili. Árbir adam óz ana tilin bilýi qajet. Biraq qazaq tilin bilmeıtin adamdardy, ókinishke oraı, tómendetý durys emes dep oılaımyn. Qazaq halqyn «taza qazaq», «shala qazaq» dep bólýdiń qajeti joq. Óıtkeni ol bizdiń memleketimizge úlken zıanyn tıgizýi múmkin. Qazaq halqy árqashan birlikte bolý kerek. Men qazaq tilin jetik meńgermesem de, qazigi tańda barynsha jetik meńgerýge tyrysyp jatyrmyn jáne basqalardy da qazaq tilin jaqsy meńgerýge shaqyramyn. Árıne, óz erkilerimen», - deıdi elimizge belgili akter, rejıser Nurtas Adambaı.