(Foto: zheruiyq.kz)
«Maıqapshaǵaı» shekarashylary kóship kele jatqan jesir ananyń 50 myń dollaryn tárkilep alǵany týraly jazǵan edik.
Keıinnen Shyǵys Qazaqstan oblysynda elge kóship kelip, jolda aqshasynan aıyrylǵan qandastarymyzdyń ústinen sot bastalǵan. Aqshasynan aıyrylǵan anaǵa tipti «Aqsha kontrobandasymen» aınalysty dep aıyp taǵylyp jatyr eken. Osy istiń mán-jaıy týrasynda zańger Abzal Quspan áleýmettik jelide jurttan kómek kórsetýin surady.
Aǵaıyn! Sizderdiń kómek qolyn sozǵandaryńyz asa qajet bolyp tur. Túsinikti bolýy úshin basynan bastap aıtaıyn. Qytaıdaǵy úıin satyp, Qazaqstannan úı alamyn dep, "Maıqapshaǵaı" shekara beketinen óter kezde bar aqshasynan aıyrylǵan Máýithan Gúljan apaıdyń basyndaǵy qıyn jaǵdaı týraly kópshiligińiz jalpy habardar bolarsyz. İstiń naqtyly mán-jaıy týraly ózim arnaıy post jarıalaǵaly júrmin negizi. Ázirge aıtarym, Máýithan Gúljan apaı qazir aqshasynan aıyrylǵany az bolǵandaı, «Ekonomıkalyq kontrabanda» jasamaqshy boldy degen jeleýmen qylmystyq jaýapkershilikke tartylyp jatyr. İs SHQO, Zaısan aýdandyq sotynda qaralýda. Men is sotqa ketkennen bastap, ol kisilerdiń qolyndaǵy qujattardy saralap, óz sózderin tyńdap apaıdyń kinásiz ekendigine kózimdi tolyq jetkizgen adammyn, sol sebepti, qolymnan kelgenshe kómektesýge ýáde bergem. Ol kisilerdiń eń basty qateligi, deni durys zańger kómegine der kezinde júginbeýi, áıtpese jaǵdaı basqasha órbýi de ábden múmkin edi. Qosh, sonymen is sotqa joldandy, alǵashqy sot otyrysy 17 naýryzǵa taǵaıyndaldy, men qorǵaýshy bolyp qatyspaqqa bel býdym, alaıda dál sol kezde apaıdyń densaýlyǵy kúrt syr berip, emhana kómegine júginýge májbúr boldy, ol jerdegiler sheteldik dep qabyldamaı, aqyly emhana jatty, qıyr-shıyr bolyp sonyń áýresimen júrgende, kelesi sot otyrysy 27 naýryzǵa taǵaıyndalypta qoıdy. Ol kúngi sotqa qatysý úshin men 26 naýryz kúni Astanadan Semeıge ushyp, Ularbek pen balasy Ádilbek, Semeıden mashınamen kútip alyp, ári qaraı Zaısanǵa ketýimiz kerek bolǵan. Alaıda, dál sol kúni qyrsyq shalǵanda ushaq ushpaı qalyp (Qazaqstanda ol ábden úırenshikti jáıt qoı) meniń sot otyrysyna qatysýym múmkin emes boldy. Al advokat bolsa kerek, Ularbek pen Ádilbek aldyn-ala baryp alyp meni Semeıde kútýde. Sodan Semeıdiń, ózim biletin osy qalaı degen advokattaryna qolqa salýyma týra keldi. Baǵyma oraı, ózim tanıtyn, jas ta bolsa bilikti advokat qaryndasym kelisimin berdi. Onyń gonoraryn, basqa da shyǵyndary tolyq óteledi dep ýáde berdim. Sóıtip, eń bastysy sot otyrysyna bilikti advokattyń qatysýyn qamtamasyz ettim. Negizi ol jerde meniń úmitim ózim jeke tanıtyn bir-eki kásipker bolatyn, sol azamattar mindetti túrde qarjy jaǵynan kómektesedi degen senim bolǵan. Ánsheıinde, elim degende etekteri jasqa tolatyn ol beısharalar syn saǵatta syrt berdi. «Ábeke anaý ǵoı, mynaý ǵoı» - dep aıtqan syltaýlaryn telefon arqyly da tyńdap turý múmkin emes edi. Kásipker bolsa da, meniń talaı tegin kómegime júgingen ol baıǵustardyń bet-perdesi men úshin osylaı ashyldy. Endi negizgi máselege keleıin, keshe ǵana Muhtar Taıjan Sizderden kómek surap, Ádilbektiń jeke qujaty men bank kartochkasyn saldy. Negizi, Gúljan apaı da, uly Ádilbek te eshkimnen alaqan jaıyp kómek surap otyrǵan joq. Ádilbek qytaı jerinde kúrespen aınalysqan, keıin bapker bolyp qyzmet etken kásibı maman, namysshyl jigit. Qazir óz eline kelip, kóshede taksıst qyzmetin atqarsada, nápaqasyn adal aıyryp júrgen AZAMAT. Kómek surap otyrǵan Men, Muhtarǵa da telefon shalyp kómek suraǵan Men. Bulaısha óz betimshe áreket etýge birneshe sebep bar; 1. Otaǵasynan erte aıyrylsa da, ómir boıy tyrashtanyp eńbek etken Gúljan apaı, bar jıǵan-tergeninen bir kúnde aıyrylyp qaldy. 2. Densaýlyǵy nashar, al Qazaqstan emhanalary bolsa sheteldik dep qabyldamaıdy, tek qana aqyly emhanaǵa qaralýǵa májbúr, 3. Astanada úı jaldap turyp jatyr, 4. Qazirgi tańda óz ústinen qylmystyq óndiris qozǵalyp, sottalý qaýpi bar. Elim-jerim dep kelip, dalada qalǵan bir otbasynyń basyna túsken osynsha aýyrtpalyq meniń janyma jaı taptyrar emes. Bas Prokýrorǵa hat joldadyq, sotqa ótinishter daıyndadyq, alaıda bıliktiń beti beri qarar túr kórinbeıdi, ázirge. Gúljan apaıdyń isti bolyp, sottalý qaýpi anyq. Sebebi, Maıqapshaǵaı keden beketinde jáne Zaısan aýdandyq sotynda buǵan deıinde bundaı jaǵdaılar oryn alǵan eken, ol týraly meniń qolymda qazir naqty qujattar bar. Ol týraly bolashaqta Ularbek ekeýimiz, basqa da azamattarǵa arqa súıeı otyryp másele kótermekpiz. Al, eger, is bul joly da aldyńǵylardaı aıaqtalsa, shettegi basqa qandastarymyzdy qalaı, ne betimizben elge shaqyrmaqpyz? Sondyqtan, Gúljan apaı jáne onyń otbasyna eń bolmasa el bolyp osylaı kómek etsek, qarjylaı demep, eldigimizdi kórsetsek degim keledi.
p/s; "Sol shyǵyndy óziń nege jaýyp tastamaısyń" - degen suraqtar bola qalsa, aldyn ala jaýap bere keteıin. Shynynda mende, kásipker bolmasamda jerge qarap otyrǵan adam emespin, degenmen osy kezge deıin jalpy jurtqa jarıa etpegen bir jańalyǵymdy aıta keteıin. Jaqyn arada Oraldyń ortalyǵynan kitap dúkenin ashpaqpyn, negizi ol dúken osydan jarty jyl buryn ashylýy tıis edi, alaıda qarajat tapshylyǵyna baılanysty, jóndeý jumystary kesheýildep jatyr. Dál osy maqsatta men qańtardyń basynan Astanada issaparda júrmin, árbir tıynym sanaýly dese de bolady. Al, ózim sengen kásipkerlerimniń túri bolsa anaý...
Pikir qaldyrý