Qosymsha qun salyǵy ósse, elde taýarlar qansha teńgege qymbattaıtyny belgili boldy.

- Salyq túsimderiniń ósýi jyl saıyn 4-5 trln teńgeni quraıdy dep kútemiz, - dedi Úkimet otyrysynda Premer-mınıstrdiń orynbasary – Ulttyq ekonomıka mınıstri Serik Jumanǵarın.

Jumanǵarın ataǵandaı, bul qarajat Ulttyq qorǵa táýeldilikti azaıtýǵa, memlekettik borysh deńgeıin tómendetýge, qosymsha resýrstardy ınfraqurylymdy, agroónerkásiptik keshendi, óńdeý ónerkásibin jáne qorǵanysty damytýǵa kómektesedi.

Salyqty kóterýdiń yqtımal ınflásıalyq áseri qysqa merzimdi bolatynyn jáne bir jyl ishinde aıaqtalatynyn atap ótý qajet. Qosymsha ınflásıa 3% kólemde kútiledi, - dedi ol.

Basqa elderdiń tájirıbesi kórsetkendeı, QQS óskennen keıin ortalyq bankter kóbine paıyzdyq mólsherlemelerdi tómendetedi, bul ekonomıkalyq turaqtandyrýǵa yqpal etedi.

- Biz salyq reformasy — árbir kásipker men azamatty tolǵandyratyn másele ekenin túsinemiz. Sondyqtan barlyq jumys ashyq túrde sarapshylarmen birge júrgizilip keledi. Memleket basshysynyń tapsyrmasy boıynsha búginnen bastap óńirlerdegi bıznes-qaýymdastyqtarmen birge Úkimettiń bastamalaryn talqylaıtyn alty jumys tobynyń jumysy bastalady. Jumys toby jolǵa shyqty. Barlyq usynystardy tyńdaımyz jáne dıalogqa daıynbyz, - dep aıtty Jumanǵarın.