Úndistannyń soltústiginde ornalasqan Varanası aımaǵynda Mahashta Mýrası esimdi etikshi qart turady. Óziniń aıtýynsha, ol 1835 jyly týylyp, qazirgi tańda jasy 181-ge kelgen. Bul qarıa álemdegi eń kári adamdardyń qatarynda. Bul kisiden úlken 191 jastaǵy nıgerıalyq Mama Efısho degen adam, alaıda bul adam jaıly derekter naqty bolyp tabylmaıdy, dep habarlaıdy lamp.im, málimettiń qazaqsha nusqasyn "Qamshy" portaly oqyrman nazaryna usynady.

«Men – álemdegi eń kári adammyn, 181 jyl buryn týyldym. Ólim meni umytyp ketken tárizdi», - deıdi qart kisi.

Mahashta Mýrasıdiń jeke basyn anyqtaıtyn qujattar men Úndistan bıligi bul aqparattyń ras ekendigin joqqa shyǵarmaıdy. Alaıda, dárigerler munyń ras ekendigine senbeıdi, sebebi bul kisige kelgen eń sońǵy dáriger 1971 jyly kóz jumǵan. Jergilikti BAQ ókilderiniń habarlaýynsha, etikshi 1835 jyldyń 6 qańtarynda Bangalorda dúnıege kelgen. Keıinnen 1903 jyly Varansıǵa kóship, sonda jumys istep, 122 jasynda zeınetke shyqqan.

«Meniń shóberelerim álde qashan qaıtys bolyp ketken. Ólim meni múldem umytyp ketken sekildi. Men, tipti, 150 jas jasaımyn dep oılamaǵanmyn. Soǵan qaraǵanda men ajalsyz adam shyǵarmyn. Osy oı maǵan sansyz lázzat beredi», - dep, fılosofıalyq turǵydan ózinshe tujyrym jasaıdy qarıa.

Aýdarǵan: Nazerke Labıhan