1. Ol ekinshisin aldy. Alla ruhsat etken..Eger besinshisin alyp jatsa ǵana, qatty qaıǵyrýǵa bolady.

2. Ol qaıtys bolyp ketken joq, tek taǵy úılendi. Bir kún kórispeseńiz de, kelesi kúni kóresiz. Qanshama áıelder jesir qalyp, máńgilikke kúıeýlerinen aıyrylyp jatyr.

3. Meıli, 2 kúnde bolsa da bir keledi. Ártúrli jaǵdaılarǵa, jumysyna baılanysty keı áıelder otaǵasyn aılap, tipti jylyna birneshe ret kóredi.

4. Ol zına jasap jatqan joq, ol halalynan úılendi. Ol saýapty is jasady. Musylman adam saýapty amal jasaǵanda qaıǵyrýǵa bola ma?

5. Ol úılendi, sizben ajyrasyp ketken joq.

6. Ol musylman áıelge úılendi. Al musylman áıel sizdiń baýyryńyz. Baýyryńyz jalǵyz júrgenshe, turmysqa shyqqanyna qýana alasyz ba? 7. Oǵan áıelder unaıdy, demek ol naǵyz erkek.

8. Ol osyny jasady. Demek onyń bir Allaǵa degen táýekeli bar jáne ózine senimdi. Eki áıeldi birdeı óz jaýapkershiligine ala alatyn er adamdar sanaýly ǵana.

9. Ol Paıǵambarymyzdyń (oǵan Allanyń ıgiligi men sálemi bolsyn) súnnetin oryndady.

10. Ol Qurandaǵy aıatqa amal etti.

11. Ol Paıǵambarymyzdyń (oǵan Allanyń ıgiligi men sálemi bolsyn) úmmetin kóbeıgenin qalaıdy. Óıtkeni Rasýlýllah qıamette úmmetiniń kóptigimen qýanady. Sondyqtan, kúıeýińiz ekinshi áıel alsa jylap, qaıǵyryp ómirden túńilmeı, bul nárseden saýap úmit etińiz. Ár nársede haıyr bar