QR Investısıa jáne Damý mınıstri Jeńis Qasymbek otandyq kólik óndirý týrasynda esebin jarıalady dep habarlaıdy Qamshy.kz.

Mashına jasaý salasy Qazaqstannyń ekonomıkalyq damýynyń mańyzdy qozǵaltqyshyna aınaldy. Indýstrıaldy-ınnovasıalyq damý baǵdarlamasynyń alǵashqy besjyldyǵyn júzege asyrý barysynda mashına jasaý elimizdegi eń qarqyndy damyǵan sala boldy. Buryn-sońdy elimizde shyǵarylmaǵan jańa joǵary tehnologıaly ónimder paıda boldy: lokomotıvter, elektrovozdar, jolaýshylar vagondary, tikushaqtar, avtokólikter. 
Atalǵan salany jan-jaqty damytý úshin jyl saıyn Qazaqstan mashına jasaýshylarynyń Forýmyn ótkizýdi dástúrge aınaldyrdyq. Ótken jyldyń qyrkúıek aıynda álemniń 20 elinen 100-den astam delegat qatysyp, otandyq mashına jasaý salasyn damytý týraly keleli jıyn boldy. Bul salada sheteldik maıtalman mamandarmen tájirıbe almasý biz úshin aýadaı qajet. 
Sońǵy jyldary osy saladaǵy óndiris kólemi tómendegen, biraq tómendeý qarqyny birtindep baıaýlap keledi. 2015 jylmen salystyrǵanda negizgi ónim túrlerindegi óndiris kólemi birshama artqan. Máselen, júk avtokólikteri, tirkemeli júk vagondary, elektrli transformatorlar men kondensatorlar, talshyqty optıkalyq kabel jáne akýmýlátor óndirisinde ósim bar.