BAQ betterinde «Abaıdyń «Jıdebaı – Bórili» memlekettik tarıhı-mádenı jáne ádebı-memorıaldyq qoryq-murajaıy» respýblıkalyq memlekettik mekemesiniń dırektory J.Áýbákir  habarlaǵan Shákárimniń sýreti týraly maqala jaryq kórdi, onda Shákárimniń sýreti týraly zertteý júrgizgen murajaıdyń eńbegi esh ketpegin aıtylady.

Shákárimniń  búrkit ustap túsken sýreti buǵan deıin turaqtandyrylmaı  kelgen. Sebebi: sýret jaryq kórgen kitapta «Ohotnık s berkýtom. Kazahı. Semıpalatınskıı ý. 1927 g» degen ǵana jazba bolǵan. Iaǵnı, Shákárim aqyn dep jazylmaǵan. Sol sebepten de Abaı murajaıy sýrettiń túpnusqasyn izdestirý jumystaryn jasaǵan eken.

Atalmysh murajaı  Máskeýdegi Reseı Ǵylym akademıasynyń N.N.Mıklýho-Maklaı atyndaǵy Etnologıa jáne antropologıa ınstıtýtynyń arhıvinde bir apta jumys jasap, etnograftyń 10 papka jeke arhıvimen, túsirgen sýretteri men jazbalarymen tanysypty.

Shákárim sýreti  54 fondyda saqtalǵan eken. Sýret artynda «Kazahı. Semıpalatınskıı gýb.,  semıpalat ý., ýroch Kenbýlak, Shakpaktas. Shakarim kajı so svoıım berkýtom. Fıelstrýp. 1927 g.» dep jazylǵan. Sonymen qatar Shákárim qajy aýlynyń kórinisteri, qazaqtyń turmys – salty men erekshelikterin kórsetetin ózge de kóptegen sýretter tabylyp otyr.

Bul sýrettiń basty qundylyǵy túpnusqa bolǵandyǵy, sondaı-aq fotonyń anyq Shákárimdiki ekendigi týraly jazbanyń bolǵandyǵynda. Sonymen qatar Shákárimniń búrkitiniń jeke sýreti de elimizge alǵash ákelingen.

Qamshy-aqparat