Qazirgi Eýropa saıasatyndaǵy Ýkraınamen qatar eń ózekti másele - Shotlandıanyń táýelsizdik týraly referendýmy. Shotlandıadan soń Eýropadaǵy kelesi "separatıster" katalondyqtar bolýy múmkin dep jatyr. Ekeýin salystyrsaq, Katalonıa Shotlandıaǵa qaraǵanda áldeqaıda baı el. Ispanıa ishki jalpy óniminiń on paıyzyn beredi! Salystyrsaq, Shotlandıa Ulybrıtanıa JİÓ niń bir aq paıyzyn quraıdy! Osyndaı kishkentaı elder óz betimen táýelsizdik alyp ómir súre ala ma? Eýropa sarapshylarynyń aıtýynsha, op ońaı ómir súredi! Mysal retinde, halqynyń sany bes júz myń ǵana Lıhtenshteınde de táýelsiz el emes pe! Tipti onyń saıasatkeri búkil Eýropa odańynyń basshylarynyń biri boldy! Sol sıaqty Shotlandıa da táýelsiz, azat elge aınala alady. Eýropamen birge Shengen zonasyna qosylady, azamattary búkil Eýropada erkin júrip turady. Al táýelsizdigi men azattyǵyn, qaýipsizdigin NATO men Eýroodaq qorǵaıdy. Al eń bastysy, táýelsizdik týraly tańdaýdy halyqtyń ózi jasaıdy! Mine, Eýropa odaǵynyń Shotlandıa, Katalonıa sıaqty elderge Táýelsizdik atty qundylyqty berip otyr. Al biz júrmiz qaıta táýelsizdikti tartyp alatyn Eýrazıalyq odaq atty Kremldiń báleketine qosylyp. Shyn máninde, umtylar baǵytymyz - Eýropa odaǵy bolýy kerek!

Janbolat Mamaı. (Facebook-tegi paraqshasynan)