Dál osy kúni  1902 jyldyń 18 sáýirinde, ıaǵnı osydan 114 jyl buryn Danıada alǵash ret saýsaqtyń izi arqyly qylmyskerdi anyqtaý (daktıloskopıa) júzege asyrylǵan. Bul týraly Qamshy aqparattyq agenttigi habarlaıdy.

Al qyrkúıek aıynan bastap Ulybrıtanıada dál osy saýsaq izi arqyly qylmyskerdiń aıybyn anyqtaý dálel retinde qoldanyla bastaǵan.

Bul ıdeıa Ýılám Gershel esimdi aǵylshyndyq azamatqa tıesili. Ol alǵash ret adamnyń alaqan terileriniń ózgeriske usharamaıtyn, qalypty ekenin aıtyp gıpoteza jasaǵan. Úndistanda polısıa qyzmetkeri bolyp qyzmet etken ol osy salada birshama eńbek etip, zertteýler júrgizgen.

Al búginde saýsaq izi - asa aýyr emes qylmystardan aýyr qylmystarǵa deıin aıypker nemese kúdiktiniń kinásin anyqtaýdaǵy eń negizgi jáne mańyzdy dálel retinde qoldanylyp keledi. Sebebi kez-kelgen  adamnyń saýsaq izderi eshkimge uqsamaıtyn ýnıkaldy bolady. Osy jaǵynan tek adamnyń kóz qabatynyń tory ǵana báskeles bola alady. 

Saýsaq izderi arqyly adamnyń jeke-bas málimetteri men jalpy málimetterdi arnaıy baza arqyly tekserýge bolady. Sondyqtan  tek saýsaq izi arqyly ǵana adamnyń jeke-basyna anyqtaýǵa jol ashylyp otyrǵanyna bıyl 114 jyl.