44 jastaǵy Amerıka azamatshasy uıyqtaıtyn kıimmen eshqandaı qarýsyz, bir japyraq qaǵazdyń kómegimen bes birdeı bankti tonady, dep habarlaıdy Qamshy aqparattyq agenttigi.

Iýta shtatynyń polısıasy Solt-Leık-Sıtıde alty birdeı bankti tonamaq bolǵan 44 jastaǵy Nanett Lýıs Perkınsti tutqyndady.

Quqyq qorǵaý organdarynyń habarlaýynsha, ury tipti jasyrynýǵa talpynbaǵan. Onyń qansha aqsha alyp ketkendigi, olardyń bankterge qaıtarylǵany habarlanǵan joq. Perkınsti baqylaý kameralarynyń kómegimen taýyp alǵan.

Barlyq tonaý isine ury qarý qoldanbaǵan, bar bolǵany bir japyraq qaǵazdy kasaǵa berip, nátıjesinde aqsha alyp otyrǵan. Bankterdiń birinde kasır oǵan aqsha bermegen. Ol bolsa esh qymsynýsyz keri burylyp, shyǵyp ketken.

Barlyq isterge ol uıyqtaıtyn kıimmen barǵan. Qara kózildirik pen qara betperde taǵyp alǵan.