Bes aı buryn iz-tússiz joǵalyp ketken jas jigittiń denesi Aqmola oblysyndaǵy ózennen tabyldy dep habarlaıdy Qamshy aqparattyq agenttigi Zakon.kz basylymyna silteme jasap.

Máıitti 10 mamyr kúni Prıgorodnyı aýylynan 2,5 kılometr qashyqtyqta jatqan Eshim ózeninen jergilikti turǵyndardyń biri taýyp alyp, dereý aýdandyq İİD-ne habar bergen.

Zertteý jumystary barysynda tabylǵan máıittiń jańa jyl merekesi qarsańynda joǵalyp ketken 1998 jylǵy Rýslan Zıngerov esimdi azamat ekendigi belgili boldy. Birinshi qańtar kúni 00:15 shamasynda úıinen shyǵyp, bı alańyna ketken. Sodan beri úıine oralmaǵan balanyń ómirinen esh habar bolmady. Polısıa basqarmasynda tirkeýge alynbaǵandyǵy belgili boldy, sonymen qatar, eshqashan da úıinen uzaq ýaqytqa shyǵyp kórmegen. Máıitte zorlyq belgileri men teri jaraqaty joq. Qazirgi ýaqytta deneni máıithanaǵa jetkizip, ólimniń sebebin anyqtaý jumystary júrgizilip jatyr.

Aýdarǵan: Nazerke Labıhan