1. Memlekettik baǵdarlamany iske asyrý maqsatynda Úkimettiń qaýlysymen ony iske asyrý jónindegi is-sharalar jospary bekitildi, ol 134 is-sharadan turady. 2017 jylǵy 1 maýsymǵa deıin 12 is-shara josparlanǵan bolatyn, onyń barlyǵy oryndaldy dep jazady Qamshy aqparattyq agenttigi.
2. Egistik alqaptaryn pármendi ártaraptandyrý júrgizilýde. Ol úshin mınıstrlik pen ákimdikterdiń arasynda 2021 jylǵa deıingi memorandýmdarǵa qol qoıyldy. Nátıjesinde, qajetti daqyldardyń kólemi 932 myń ga. keńeıtiledi.

1. Búgingi kúni kóktemgi egis jumystary 87%-ǵa aıaqtaldy. aýyl sharýashylyǵy óndirýshileri úshin sońǵy mólsherleme alǵash ret jyldyq 6%-dan aspaıdy, ótken jyldary sońǵy mólsherleme 9-10%-dy quraǵan bolatyn.  Budan basqa, jalpy  nesıe ónimderi boıynsha qajetti qujattar paketi 24%-ǵa qysqartyldy.

1. Osy jyldan bastap elıtaly tuqymdardy sýbsıdıalaý jańartyldy jáne Biregeı jáne elıtalyq tuqymdardy, sondaı-aq eń tómengi normalardy qoldanbaı, birinshi kóbeıtilgen jáne birinshi urpaq býdandarynyń tuqymdaryn sýbsıdıalaý qalpyna keltirildi. Osy jyly tuqym sharýashylyǵyna bólingen qarajat byltyrǵy jylmen salystyrǵanda 3,2 esege artyq. Tuqym sharýashylyǵyn damytý úshin ınvestısıalyq sýbsıdıalaý baǵdarlamasyna tuqym sharýashylyǵy tehnıkasy engizildi.

1. Tyńaıtqyshtardy qoldanýǵa yntalandyrý maqsatynda sýbsıdıalaý tásilderi ózgertildi, olar tyńaıtqyshtar qoldaný kólemderin ulǵaıtýǵa múmkindik berdi. Sýbsıdıalaý normasy buryn paıyzdyq mólsherlemede bolsa, aǵymdaǵy jyldan bastap naqty sıfrlarmen belgilenetin boldy. Bul sharýalaraǵa sapasy jaqsy tuqym alýǵa múmkindik beredi.Sýbsıdıalanatyn tyńaıtqyshtar sany 2016 jyly 85 bolsa, 2017 jyly 161-ge deıin artty. Búgingi tańda 200 myń tonna tyńaıtqysh alyndy.

1. Mal sharýashylyǵy salasynda sýbsıdıalaý mehanızmi ózgertildi, bul sýbsıdıa alýshylar sanyn arttyrýǵa múmkindik beredi. Shoshqa sharýashylyǵyn sýbsıdıalaý krıterııleri azaıtyldy. Usaq sharýa qojalyqtary men jeke qosalqy sharýashylyqtardy kooperatıvke qatystyrý boıynsha kelesi sharalar qabyldandy:

• barlyq 160 aýyldyq aýdanda semınarlar ótkizilip, 2 248 aýyldyq okrýg ákimderi men aýdan ákimderiniń orynbasarlary oqytyldy;
• kooperasıa týraly suraqtarǵa tolyq málimet alý maqsatynda Koll-ortalyq jáne portaly jumys jasaýda.
• aýyl sharýashylyǵy kooperatıvteri úshin modýldi sút qabyldaý jáne mal soıý pýnktterin kepilsiz jáne alǵashqy jarnasyz satyp alý sqemasy engizildi, sondaı-aq kooperatıv músheleri úshin nesıelerdi kepildendirý tetigi kózdeldi.

Aǵymdaǵy jyly aýyl sharýashylyǵy kooperatıvterin qoldaý maqsatynda 52 mlrd. teńge bólindi, onyń ishinde Aýyl sharýashylyǵyn qarjylaı qoldaý qory arqyly – 25 mlrd. teńge jáne Nátıjeli jumyspen qamtý jáne kásipkerlikti damytý baǵdarlamasy negizinde 27 mlrd. teńge qarastyryldy.

30 mamyrdaǵy jaǵdaı boıynsha  286 birlik tirkeldi, sonyń ishinde sút daıyndaý boıynsha 102, et óndirý jáne daıyndaý boıynsha 181. 20 136 bas iri qara mal basyna arnalǵan otbasylyq bordaqylaý alańy men 51 jylyjaı quryldy. Aýyl sharýashylyǵy óniminiń taýarly óndirisine 40 myńnan astam jeke qosalqy jáne usaq fermerlik sharýashylyqtar qatystyryldy (2017 jylǵa jospar – 135 myń JQSH).

Jalpy kooperatıvterdi qurý boıynsha jaqsy dınamıka baıqalýda. Sonymen qatar, tirkelgen kooperatıvterdiń keıbiri usynylatyn talaptarǵa sáıkes kelmeıdi, al jeke óńirler boıynsha jalpy jumysty kúsheıtý qajet. Osyndaı kooperatıvterdi  talaptarǵa sáıkes keltirý boıynsha sharalar ákimdikterge jetkizildi jáne olar boıynsha naqty jospar qurastyryldy.

1. Sýbsıdıalaý ólshemsharttary tómendetildi, eger buryn bordaqylaýshylar 400 jáne odan joǵary basqa sýbsıdıa alsa, qazir 100 bastan bastap ala alady. Osylaısha sýbsıdıa alýshylar sany 3 esege ósti (1475-ten 522 sharýashylyqqa deıin), tıisinshe sıyr etiniń óndirisi de  40%-ǵa artatyn bolady  ( 31,5 myń tonnadan 43,8 myń tonnaǵa deıin);

Sondaı-aq sútti sýbsıdıalaý boıynsha da ólshemsharttar tómendetildi, máselen qazirgi tańda sút-taýarly fermalar 50 basqa (odan buryn – 240 bastap) sýbsıdıa ala alady, sonymen qatar tapsyrylǵan sútti óńdeýge aýyl sharýashylyǵy kooperatıvterine lıtrine 10 teńge somasynda sýbsıdıalaý kózdelgen.  Sút óndirisin sýbsıdıalaýmen qamtý 1,5 esege 272-den 422-ge deıin nemese alýshylar sany 2 esege ( 269-dan 532-ge deıin) ulǵaıady.

Asyl tuqymdy qoı sharýashylyǵyndaǵy sýbsıdıalaý normatıvi bir basqa 2500 teńgege deıin (buryn – 1500 teńge) ulǵaıtyldy jáne keminde 300 bas ustaıtyn sharýashylyqtarǵa ǵana sýbsıdıa alýǵa múmkindik beretin joǵary ólshemsharttar alyp tastaldy. Osynyń arqasynda sýbsıdıalaýmen qamtylǵandar 1,3 esege nemese 2300 sharýashylyqqa deıin ulǵaıady.

Sondaı-aq qoı sýbsıdıasy asa talap etiletin qozyǵa aýystyryldy.

Sonymen qatar júndi óńdeý boıynsha qoldanystaǵy kásiporyndardyń tolyqtaı júktelmeýine baılanysty bıazy ǵana emes jartylaı bıazy júndi sýbsıdıalaý kózdelgen.

Bunyń bári bólingen qarajat sheńberinde alýshylar sanyn jáne sýbsıdıalanatyn mal sharýashylyǵy ónimin qamtýǵa múmkindik beredi.

1. Veterınarıa salasynda 25 mamyrda Qazaqstan qalǵan 5 oblys (SHQO, OQO, Almaty, Jambyl, Qyzylorda oblystary) úshin aýsyldan taza aımaq mártebesin aldy. Bul sheshim úshin Halyqaralyq epızootıalyq búroǵa múshe 180 elden delegattar daýys berdi. Bul janýarlar men ósimdikterden alynatyn ónimder eksportyn ulǵaıtýǵa jaqsy múmkindik beredi.

1. Qytaı naryǵy qazaqstandyq balyq pen balyq ónimderi, jylqy tuqymdas asyl tuqymdy janýarlar, sondaı-aq bal jáne bal ara sharýashylyǵy ónimi úshin ashyq. Maýsym aıynda muzdatylǵan qoı eti boıynsha hattamaǵa qol qoıý josparlanýda, atalǵan elge taýarly jylqylardy da ákelý sharttary kelisilýde. Iranǵa tońazytylǵan qoı eti men tiri qoılardy ákelýge veterınarıalyq sertıfıkattardyń jobalary kelisildi, jáne muzdatylǵan qoı eti boıynsha jumys júrgizilýde. Birikken Arab Ámirlikterine iri jáne usaq qara maldy, taýyq jumyrtqasyn ákelýge veterınarıalyq sertıfıkattarǵa qol qoıyldy.   Budan basqa, Izraıl jáne Saýd Arabıasynyń veterınarıalyq qyzmetterimen janýarlardan alynatyn qazaqstandyq ónimniń eksportyn ashý boıynsha jumys júrgizilýde.

1. Fıtosanıtarıa salasynda aǵymdaǵy jyly asa qaýipti zıandy organızmder boıynsha óńdeýlerdiń boljamdy kólemderi 4,8 mln. gektardy, onyń ishinde úıirli shegirtke boıynsha 1,6 mln. gektardy quraıdy.  Búgingi kúni Ońtústik Qazaqstan jáne Jambyl oblystarynda marokkalyq shegirtkege qarsy 500 myń ga óńdeldi, bul aǵymdyq jospardan 180 myń gektarǵa nemese 55 %-ǵa artyq. Osyǵan qaramastan, jer-jerlerde qajetti preparattar men tehnıkalar sany bar. 
2.             Sýarmaly jerlerdi qalpyna keltirý úshin Islam damý banki men Eýropa Qaıta qurý jáne Damý bankimen 205 myń ga jerdi qalpyna keltirý jáne aınalymǵa tartý úshin somasy 103,4 mlrd. teńgege kelisimderge qol qoıyldy.

Ulttyq ekonomıka mınıstrliginiń qaraýyna segiz oblysta (Aqtóbe, Qyzylorda, Mańǵystaý jáne Ońtústik Qazaqstan) 22 jańa sý qoımalaryn salý boıynsha memlekettik ınvestısıalyq jobalar engizildi jáne erigen qar sýy men tasqyn sýlardy jınaý boıynsha usynystar daıarlanýda.

12.       AÓK damytýdyń memlekettik baǵdarlamasynyń jańa mindetiniń biri aýyl sharýashylyǵy taýarlaryn óndirýshilerin zamanaýı tehnıkamen jáne qural-jabdyqtarmen qamtamasyz etýdi arttyrý, sondaı-aq respýblıkamyzdaǵy aýylsharýashylyǵy tehnıkasyn damytý.