Jetisý aýdanynyń zeınetkeri qala ákimne qańtar aıynda sýdyń tarıfi úsh ese qymbattaǵyna aıtyp shaǵymdandy.

Men Hojamárov kóshesinde turamyn. Meniń zeınetaqymnyń ózi bar bolǵany 90 myń teńge. Jeltoqsanda 2600 teńge tólegen bolsam, qańtarda tarıf úsh ese ósti. Qazir 9 myń teńgeden astam esepshot kelgen. Bul tarıftiń kóterilý sebebin túsindirińizshi? Bulaı qymbattaı berse azyq-túlikke aqsha qalmaıdy,- dedi qala turǵyny.

Almaty qalasynyń ákimi sýdyń tarıfteri kúrt óspegenin málimdedi.

Biz tutyný kólemine qaraı saralaý jasadyq. Shottar retteledi, adam basyna qansha qajet ekenin eseptedik, tutyný normalaryn ózgerttik, sonyń nátıjesinde ózgerister boldy. Biz Almatyda sýdy únemdep paıdalanýǵa muqıat qaraǵanyn qalaımyz. Bizde bul másele áli de bar jáne odan qasha alǵan joqpyz, sondyqtan utymdy, únemdi, qajettiligine qaraı paıdalanatyn adamdar jáne biz bir adamǵa qoıǵan normalar olar barlyq nárseni qanaǵattandyrady, ıaǵnı eshqandaı shekteýler joq. Biraq baqtar aýyz sýmen sýarylmaý kerek. Sý - bizdiń basty baılyǵymyz... Biz qosymsha múmkindikterdi, sý oryndaryn izdeýmen aınalysyp jatyrmyz,- dedi qala ákimi.