Reseı qaýipsizdik keńesiniń hatshysy Sergeı Shoıgý kelissózder júrgizý úshin Astanaǵa keldi.
Sergeı Shoıgýdy Qazaqstan prezıdenti Qasym-Jomart Toqaev qabyldaıdy degen boljam bar.
"Reseı Federasıasy qaýipsizdik keńesiniń hatshysy Sergeı Shoıgý Astanaǵa keldi. Onda ol Reseı Federasıasy men Qazaqstan arasyndaǵy ekijaqty qarym-qatynasty, qaýipsizdik máselelerin jáne Sırıadaǵy jaǵdaıdy talqylaıdy. Bul – Reseı qaýipsizdik keńesi hatshysynyń 2025 jylǵy alǵashqy sheteldik sapary", – delingen habarlamada.
RF qaýipsizdik keńesiniń baspasóz qyzmeti habarlaǵandaı, jumys sapary barysynda Reseı Federasıasy men Qazaqstan qaýipsizdik keńesteriniń keńseleri arasyndaǵy ekijaqty konsýltasıalar, sondaı-aq qaýipsizdik keńesiniń hatshysy Ǵızat Nurdáýletovpen kezdesý ótedi.
Pikir qaldyrý