Almatyda páter tonap júrgen  bir top adam ustaldy, - dep habarlaıdy Tengrinews.kz. Olar Shyǵys Qazaqstan oblysynyń týmalary. Alataý aýdandyq İİB jedel ýákilderi qalalyq İİD Krımınaldyq polısıa basqarmasyndaǵy qyzmetkerlermen birige otyryp, Almatyda páter tonap júrgen bir top adamdy ustady.

"Sońǵy úsh aıda Alataý aýdanyndaǵy páterler men úıler tonalǵan. Barlyq jaǵdaıda qylmyskerlerdiń áreketi uqsas bolǵan: olar tereze arqyly úıge kirip, qundy zattar men aqshany urlap júrgen", - dedi polısıadaǵylar. 23-28 jas aralyǵyndaǵy kúdiktiler jedel-izdestirý sharalary barysynda Almaty ortalyǵynda jaldamaly páterlerdiń birinde ustaldy.

Olar sol jaqta turyp jatqan. "Ustalǵandardyń basym bóligi Shyǵys Qazaqstan oblysynyń Úrjar aýdanynan. Qazirgi ýaqytta olardyń 30 derekke qatysy bar ekeni rastaldy. Kúdiktiler kinásin moıyndap otyr. QR Qylmystyq kodeksiniń 188-babynyń 2-bóligi boıynsha sotqa deıingi tergeý bastaldy", - dedi Almaty qalalyq İİD Krımınaldyq polısıa basqarmasynyń basshysy Janbolat Zıadın. Qazirgi ýaqytta polısıa olardyń Almaty qalasynda bolǵan osyndaı qylmystarǵa qatysy bar-joǵyn anyqtap jatyr.