Sharanyń maqsaty – elordada problemaly turǵyn úı nysandarynyń qurylysyn jyl sońyna deıin aıaqtaý.

Jármeńkede usynylǵan nysandardyń ishinde qurylysy bitpegen 13 problemaly turǵyn úı kesheni bar. Atap aıtar bolsaq: «Pana» TK, «Han Tengrı» TK, «Granıtnyı 1» jáne JK «Granıtnyı 2» TK, «Hazret» TK, «Kóktal-2» TK, «Zere-1» TK, «Arabı 2» TK, «Anısa 2» jáne «Anısa 3» TK,«Úmit bereke» TK, «Terıtorıa komforta-1» TK, «Jaılaý sıtı» jáne JK «Tabysquryltaı» TK.

Jármeńkege QR «Atameken» ulttyq kásipkerler palatasynyń, QRIDM ınvestısıalar boıynsha komıtetiniń ókilderi, elimizdiń bıznes qaýymdastyǵy, onyń ishinde qurylys uıymdarynyń ókilderi bar.

Resmı bólimin mamandandyrylǵan júrgizýshi júrgizedi.

Jármeńkege qatysýǵa qurylys nysandaryn damytýǵa qarjy quıatyn áleýetti ınvestorlar shaqyrylady. Áleýetti satyp alýshylarǵa nysandarmen tanysý úshin qajetti aqparat jazylǵan tólqujaty bar materıaldar daıyndalǵan. 

Esterińizge salamyz, birinshi jármeńke Astanada bıyl 43 kompanıanyń qatysýymen ótken bolatyn.

Onyń ishinde - Haıvıl Qazaqstan, Aıbyn qurylys, «Qulager» qurylys kompanıasy, konsern «Naıza-Qurylys» jáne taǵy basqalar.

Ótkizilgen sharanyń qorytyndysy boıynsha qurylysy aıaqtalmaǵan tórt nysan boıynsha kelisimge qol jetkizildi («Skaı sıtı», «Baıtaý», «Alǵa samal»jáne «Arabı-2») qurylysty sońyna deıin júrgizý týraly aldyn ala kelisimshart jasaldy.

Jármeńke Qorǵaljyń tasjoly 2a úıi meken jaıynda ornalasqan «Dýman» qonaq úı kesheniniń kınozalynda ótedi.