Memlekettik qyzmetkerlerdiń tólem júıesi olardyń eńbekaqylaryn 50 paıyzǵa ósirýi múmkin. Bul týraly Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Sharımova málimdedi, - dep habarlaıdy Qamshy.kz aqparat agenttigi Tengrinews.kz saıtyna silteme jasap. 

Onyń aıtýynsha, qazirgi kezde eki negizgi bólimnen turatyn jańa tólem júıesi engizilip jatyr: daǵdyly jáne aýyspaly. 

"Negizgisi - qyzmet boıynsha. Iaǵnı qyzmet deńgeıi strategıalyq mindetterdi júzege asyrýǵa qandaı úles qosatyndyǵyna baılanysty bolady. Eger buryn eńbek ótili men kategorıasy eskeriletin bolsa, jańa júıe boıynsha qyzmetker qandaı úles qosyp jatqanyna jáne qalaı qyzmet etetindigin eskeredi", - deıdi Sharımova úkimettegi brıfıń barysynda. 

Sonymen birge, jańa júıeniń ekinshi bóligi qosymsha aqy tóleý tusyn qarastyrady. 

"Qosymsha aqy tóleý qyzmetkerdiń isin toqsan saıynǵy baǵalaýǵa baılanysty bolady. Onyń jyldyq eńbeginiń nátıjesi qosymsha aqy tóleýge áser etedi", - deıdi ol. 

Qosymsha tólemdi nátıje kórsetetin úzdik qyzmetkerler ǵana alatyn bolady. 

"Baǵalaý boıynsha qyzmetkerlerdiń tórt kategorıasy bolady. "Úzdik", "nátıjeli", "qanaǵattandyrarlyq" jáne "nátıjeli emes". Qosymsha tólemdi tek "úzdik" jáne "nátıjeliler" alatyn bolady", - deıdi Sharımova. 

Qazir bul júıe talyqlanyp jatyr jáne onyń probasıasy kelesi jyly úsh organnyń úlgisinde júrgiziletin bolady. 

"Kelesi jyly pılottyq túrde engizemiz. Barlyq kemshiligi men artyqshylyǵyn kórgen soń ǵana Qazaqstan boıynsha engizemiz. Aldyn ala ólshem boıynsha eńbekaqy 50 paıyzǵa ósedi. Bul aldyn ala boljam ǵana, dál solaı bolady dep aıta almaımyn", - deıdi Sharımova.