Astana qalasynyń jas aqyndaryna músháıra jarıalandy dep habarlaıdy Qamshy.kz aqparat agenttigi. Jyr baıqaýy − Qazaqstan Respýblıkasy memlekettik rámizderiniń 25 jyldyǵyna arnalady. «Máńgilik el – muratym!» jáne  «Memlekettik rámizder maqtanyshym!»  taqyryptaryna jazylǵan shyǵarmalar osy jyldyń 5 tamyzy men 5 qyrkúıek aralyǵynda qabyldanady. Músháıranyń jalpy júlde qory 1 200 000 teńge kóleminde. 

Baıqaýdyń uıymdastyrýshylary Ortalyq komýnıkasıalar qyzmeti alańynda baspasóz konferensıa ótkizdi. Músháıranyń maqsaty men mindetteri týraly aqyn Qalqaman Sarın men Astana qalasy ákimdiginiń jastar saıasaty máseleleri basqarmasynyń basshysy Asqat Oralov baıandap berdi.

Elbasy N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasyn júzege asyrý sheńberinde jastar arasynda ulttyq biregeılik pen ulttyq qundylyqtarymyzdy nasıhattaý maqsatynda ótetin músháıraǵa Astananyń jas aqyndaryn qatysýǵa shaqyramyn. Bıyl qalalyq deńgeıde ótetin músháırany bolashaqta, respýblıkalyq, tipti halyqaralyq jyr báıgesine aınaldyrýdy josparlap otyrmyz dedi,- Asqat Oralov

Úsh kezeńnen turatyn músháıraǵa 14 – 29 aralyǵyndaǵy jas aqyndar qatysa alady. Birinshi kezeńde: «Máńgilik el muratym»  men «Memlekettik rámizder mártebem» taqyryptaryndaǵy shyǵarmalardy qabyldaý júrgiziledi. Ekinshi jáne úshinshi kezeńde: ótinimderdi qarastyrý men úzdik aqyndar ornyn anyqtap, músháıranyń ádil qazylar alqasynyń otyrysy ótkiziledi. Marapattaý rásimi qyrkúıek aıynda Astana qalasynda saltanatty túrde ótedi.

Qabyldanǵan materıaldar resenzıalanbaıdy jáne qaıtarylmaıdy. Músháıra jumystary ereje sharttaryna sáıkes kelmese, uıymdastyrýshylar olardy qabyldamaýǵa quqy bar. Bul týraly ótinim usynylǵan kúnnen bastap tórt jumys kúni ishinde músháıraǵa qatysýshylaryna habarlanýy tıis,- dedi belgili aqyn Qalqaman Sarın

Astana qalasynyń Jastar saıasaty máseleleri basqarmasy qatysýshylarǵa 

1 oryn - 1 adam (300 000 tg);

2 oryn- 2 adam (200 000 tg);

3 oryn - 3adam (100 000 tg);

Nomınasıa: 4 «ÚZDİK AQYN» (50 000 tg) júlde taǵaıyndap otyr.