Orta salmaqta WBA (Super), IBO, WBC jáne IBF tujyrymdary boıynsha álem chempıony qazaqstandyq boksshy Gennadıı Golovkın (37-0, 33 KO) BoxNation basylymyna bergen suhbatynda 16 qyrkúıekte meksıkalyq Saýl "Kanelo" Alvarespen ótetin jekpe-jektiń naýryzda amerıkalyq Denıel Djeıkobspen ótken kezdesýge qaraǵanda ózgeshe bolatynyn aıtty, - dep habarlaıdy Qamshy.kz aqparat agenttigi  Vesti.kz saıtyna silteme jasap.

Golovkın sporttyq mansabynda birinshi ret 12 raýndtyq kezdesý ótkizdi. Tóreshiler biraýyzdan jeńisti qazaqstandyqqa berdi. Qazaqstandyq boksshy "Kanelomen" ótetin ekpe-jekte mundaı senarı qaıtalanbaıtynyn aıtady. Ol Big Drama Show uıymdastyryp, qarsylasyn nokaýtqa túsirýdi josparlap otyrǵanyn aıtty.

"Djeıkobs óte jaqsy boksshy. Maǵan 12 raýnd kerek boldy, sebebi men kelesi qarsylasymnyń myqty bolaryn bildim. Men daıynmyn. Qazir basqa jaǵdaı. Men "Kanelony" bilemin, ol meni biledi. "Kanelo" men Djeıkobstyń judyryqtasý tásilderi men stılderi bólek. Barlyǵy shynaıy ári qyzyqty", - deıdi ol.

Aıtýynsha, "Kanelo" buqa sekildi myqty.

"Ol jas ári aqyldy jigit. Denıel basqa sanattyń boksshysy bolatyn. Menińshe, Alvares ekeýimizdiń jekpe-jegimiz tóreshiler sheshim shyǵarǵanǵa deıin jetpeıdi, sebebi biz bir-birimizdi jaqsy bilemiz. Onyń 100 paıyzǵa daıyn ekenin bilemin, bizdi naǵyz shaıqas kútip tur. Jeńimpaz pound-for-pound nusqasy boıynsha birinshi oryndy ıelenedi. Big Drama Show bolady, barlyǵy osyny qalap otyr. Bul "Kanelo" men Chaves arasynda ótken feık kezdesý emes. Bizdiki naǵyz jekpe-jek", - dedi Golovkın.

Aıta keteıik, Golovkın - "Kanelo" jekpe-jegi 16 qyrkúıek kúni Las-Vegastaǵy (AQSH, Nevada) T-Mobile Arena arenasynda ótedi.

Saýl Kanelo Alvareske qarsy jekpe-jekte Gennadıı Golovkın orta salmaqta WBC, WBA (Super), IBF jáne IBO chempıondyq ataqtaryn qorǵaıdy. Meksıkalyq The Ring jýrnalynyń belbeýin báske tigedi.