Asa baılyq ne kerek densaýlyǵyń bolmasa-degen ataly sózdiń maǵynasyna mán bersek, densaýlyqtyń  qadirin keı kezde kesh bilip, sonyń zardabyn tartyp jatamyz.  Aýyryp em izdegenshe, aýyrmaýdyń jolyn izdeýdi keıde umytyp jatamyz.

Aýyrmaý úshin sporttyń, dene qyımylynyń  adam ómirinde alar orny erekshe ekeni jaqsy bilemiz.  «Adam denesiniń jetilýi  -onyń densaýlyǵy; eger deniń saý bolsa, onda ony saqtamaq kerek, al eger saý bolsa, onda dendi saýyqtyrý kerek» -dep, densaýlyqtyń qadiri týraly uly shyǵystyń oıshyly  Ál-Farabı asqan  bilgirlikpen aıtqan eken. Ótken senbide sport kúni oraı, elimizdiń ár aımaǵynda densaýlyqty jaqsartýǵa arnalǵan kóptegen sharalar uıymdastyryldy. Sondaı aýqymdy sport merekesiniń biri Abaı atyndaǵy Qazaq ulttyq pedagogıkalyq ýnıversıtetinde bolyp ótti.  «Densaýlyq kúni» Spartakıadasy dep ataý alǵan bul spartakıada Spartak stadıonynyda uıymdastyrylyp merekelik kóńil kúımen jalǵasty.

Jarystyń  saltanatty ashylýynda sóz sóılegen ýnıversıtet rektory Tahır Ospanuly Balyqbaev ; «Sporttyń qoǵamda ásirese stýdentter arasynda alar orny erekshe»- ekenin aıyryqsha aıtyp ketti. Rasymende deni saý urpaqty tárbıeleý elimizdegi joǵary oqýy oryndarynyń alǵa qoıǵan negizgi maqsattarynyń biri bolyp tabylady.

Jastar bizdiń  keleshegimiz –desek sol jas býynnyń otan qorǵaıtyn qaıraty kemel, sanaly azamat bolyp ósý úshin bilimimen qosa sportty birge qosa alyp júrgende ǵana qýatty qoǵam qalyptastyny belgili. Osy oraıda, sport kúnine oraı, uıymdastyrylyp otyrǵan  dúbirli de dýmandy shara úlken áser qaldyrdy.

Bul  kúni sport alańynyń ár buryshynda tartysty sport básekeleri qyzý jalǵasty.  Negizi  atalǵan spartakıada ýnıversıtettiń oqytýshy profesor  ustazdary, qyzmetkerler qurmalary men   stýdentter quramalary  arasynda órbigen edi. Aıtalyq, 50 den asa ustazdar men qyzmetkerler sporttyń: shahmat, stol tenısi, voleıbol, jeńil atletıka túrlerin kúshterin synap kórse, 900  stýdent    qazaq kúresi, shaǵyn fýtbol, qol kúrestirý, toǵyzqumalaq, stol tenısi jáne jeńil atletıka  sekildi túrlerinen syn  alańdaryna shyǵyp jeńis úshin jan aıamaı  sheberlikterin kórsetti.

Jýyrda Taldyqorǵan qalasynda stýdent jastar arasynda respýblıkalyq spartakıada jalaýyn kótergeni belgili. Sol baıraqty básekege Abaı atyndaǵy Qazaq ulttyq pedagogıkalyq ýnıversıtetiniń talantty stýdent  jastary da jeńis jolynda óz ónerlerin kórsetýde. Sondaı el birinshiliginde  ýnıversıtet namysyn qorǵaıtyn daryndy jastar osyndaı ishki jarystarda sýyrylyp shyǵyp kózge túsý kerek ekendigin jaqsy biledi. Sondyqtanda qalaıda ozyp alǵa shyǵyp jeńiske jetýdiń baǵysy óte zor. Abaı atyndaǵy Qazaq Ulttyq pedogogıkalyq ýnıversıtetiniń  Saýyqtyrý dene mádenıeti kafedarasynyń meńgerýshisi Amantaı Qaraqovtyń  qaramaǵynda jattyǵatyn shákirtteri qalaralyq saıystarda tabysty ónerlerimen ýnversıtet atyn barynsha tanytyp keledi. Sondyqtanda  stýdentter úshin tájirbıelerin shyńdaı túsýge osyndaı tartysty ishki spartkıadanyń bereri mol.

Sonymen jarys qortyndysy boıynsha, Stýdentter arasynda 1-oryndy Fılologıa jáne kóp tildi bilim berý nıstıtýty , 2-oryndy Matematıka ınformatıka jáne fızıka ınıstıtýty, 3-oryndy Óner mádenıeti jáne sport ınıstıtýty jeńip alsa, Qyzmetkerler men profesor oqytýshylar quramalary arasynda 1-oryndy  Óner mádenıeti jáne sport ınıstıtýty, 2-oryndy Jaratylystaný jáne geografıa ınıstıtýty jáne fızıka ınıstıtýty úzdik shyǵyp, ýnıversıtettiń ázirlegen qurmet marapattaryna ıe boldy. Sonymen birge jarys sońynda ár sport túrlerinen topjaryp kópshiliktiń rızashylyǵyna bólingen stýdentterde  aıyryqsha atalyp ótti.

Qońyr kúzdiń shýaqty bir kúninde ótken alaman sport oıyndary tamasha kóńil kúımen máresine jetti. Jalpy, «Densaýlyq kúni» Spartakıadasy jalpy salaýatty ómir súrý jáne  sporttyń densaýlyqqa qanshalyqty paıdaly áser etetigindigine tartysty ótken kezdesýler arqyly kóz jetkizdi dep tolyqtaı senimmen aıtýǵa bolady.

« Bizdiń baqytymyzdyń onnan toǵyzy densaýlyǵymyzǵa baılanysty»-degen eken A.Shopengaýer. Endeshe sol baqytymyzdy densaýlyǵymyzdan tabý úshin, osyndaı  paıdasy sheksiz sport sharalaryna belsene qatysa otyryp, salaýatty ómir súrýge erekshe mán bergenimiz lázim.

Aqyn ORDABAIULY