Birinshi dúnıejúzilik soǵys kezindegi mahabbat haty bir ǵasyr ótken soń antıkvarlyq tartpada tabylǵan. Búl týraly Daily Mail basylymy jazady. Djordj esimdi soldat óziniń Eılın esimdi súıiktisine 1916 jyldyń naýryzynda hat jazǵan. Hatynda ony qatty saǵynǵanyn, kezdesýdi asyǵa kútetinin aıtqan. Onymen qosa, hatta súıiktisine turmysqa shyǵýǵa usynys jasap, neke júzigin salyp jibergen.

«Seni aıaq asty tastap ketkenim qatty janyma batady. Hat arasyna apamnan qalǵan júzikti saldym- bul meniń saǵan mindetti túrde oralatynymnyń belgisi, ýádem bolsyn»- dep jazylǵan eken bul eski hatta.

Mahabbat hatynda Djordj súıiktisinen ózine baryp qolyn suraı almaıtyny aıtyp keshirim suraǵan. Osy rette, hatty anasy arqyly tezdetip jetkizetinine ýáde bergen.

Arada 100 jyl ótti, alaıda soldattyń súıiktisi Eılın osynaý mańyzdy hatty oqı aldy ma, joq pa, ǵashyqtar kezdese aldy ma  – belgisiz.