Kez kelgen táýelsiz memlekettiń alǵa qoıǵan maqsaty men jospary bolmasa, ol eldiń aldaǵy bolashaǵyn elestetý múmkin emes. Búginge deıin Elbasymyzdyń syndarly saıasatynyń arqasynda elimizdiń damýy úshin jasalǵan baǵdarlamalary men josparlaryn el bolyp birigip, jumyla iske asyrylyp keledi. Sol jospardyń biregeıi ulttyq ıdeıamyz – «Máńgilik El» bolyp tabylady, -dep jazady Qamshy.kz aqparat agenttigi. «Qazaqstannyń úshinshi jańǵyrýy; jahandyq básekege qabilettilik» atty bıylǵy prezıdent joldaýynyń «Ult Jospary-100 naqty qadam» baǵdarlamasy ulttyq ıdeıany júzege asyrýdyń aıqyn joly deýge bolady.
Mańyzdy qujattyń taǵy bir toqtala ketetin aıryqsha tusy - aqparattyq tehnogıalardy qoldaný. Ozyq tehnologıalardy engizýde sot júıesi jolbasshylyq tizginin bekem ustap keledi. Bul sot júıesiniń ashyqtyǵyn aıshyqtap, qarapaıym halyqtyń qoljetimdiligin arttyra túsedi.
Qazaqstannyń memleket bolyp nyǵaıýy, zaıyrly qoǵam bolyp jetilýi, birtutas ult bolyp eseıýi jolynda, elimiz mańyzdy qadam jasady. Bul qadam – keleshektiń belgisi, árbir jeke adamnyń ómirine yqpal jasaıtyn, memleket pen qoǵamǵa bereri kóp tarıhı qadam. Osy tarıhı múmkindikti tıimdi paıdalanýǵa jol ashatyn basty belgi – elimizdiń birligi. El birligine bastar azamattardyń boıyna patrıottyq sezimdi darytý osy maqsatta júıeli jumys atqarýdy qajet etetindigi haq.
Osy oraıda, eldegi turaqtylyqty odan ári asqaqtatý maqsatynda 2014 jyly Prezıdent N.Nazarbaev Qazaqstan joly – 2050 «Bir maqsat, bir múdde, bir bolashaq» atty joldaýynda «Máńgilik el patrıottyq aktisin ázirleýdi tapsyrdy. 2015 jyldyń 5 qazanynda ótken Qazaqstan Patrıottarynyń forýmynda «Máńgilik El» patrıottyq aktisiniń jobasy tutastaı maquldanyp, qujat memlekettik organdarmen kelisilip, arnaıy saraptamadan ótkizildi. Qujat jobasy jan-jaqty talqylanyp, 2016 jyly Qazaqstan halyq assambleıasynyń sesıasynda qabyldandy.
Elbasy «Máńgilik El» ıdeıasyn Qazaqstan halqynyń jarqyn bolashaǵy úshin qabyldaǵan óte mańyzdy jáne tarıhı mánge ıe qujat «Bes ınstıtýsıonaldy reformany júzege asyrýǵa baǵyttalǵan naqty júz qadam» atty baǵdarlamanyń ıdeologıalyq negizi etip aldy. Mundaǵy «Birtektilik pen birlik» reformasy boıynsha «Máńgilik El» patrıottyq aktisi, Qazaqstan halqy Assambleıasynyń «Úlken el − úlken otbasy» jobalary men azamattyq birtektilikti nyǵaıtýdyń «Meniń Elim» jáne «Nurly bolashaq» ulttyq jobalaryn ázirlep júzege asyrý kózdelgen.
Atalmysh qujatta Qazaqstan halqynyń tarıhı taǵdyry men jalpy múddeleri, bizdiń elimizdi damytýdyń bazalyq qundylyqtary kórinetin «Máńgilik El» jalpyulttyq ıdeıasynyń jeti myzǵymas tuǵyry, jeti qundylyqtar usynylǵan. Táýelsizdik jáne Astana, Jalpyulttyq birlik, Beıbitshilik pen kelisim, Zaıyrly memleket jáne joǵary rýhanıat, Inovasıa negizindegi turaqty ekonomıkalyq ósim, tarıhtyń, mádenıet pen tildiń ortaqtyǵy, Ulttyq qaýipsizdik jáne Qazaqstannyń jalpy álemdik jáne óńirlik problemalardy sheshýge jahandyq turǵydan qatysýy.
Osy jeti qundylyqtyń 2-tarmaǵyna sáıkes Elbasymyz N.Nazarbaevtyń 2017 jyldyń 31 qańtarynda joldaǵan «Qazaqstannyń úshinshi jańǵyrýy: jahandyq básekege qabilettilik» atty joldaýynda aıtylǵan «2017-2020 jyldarǵa arnalǵan Dinı ekstremızm men terorızmge qarsy áreket jónindegi memlekettik baǵdarlamasy». Osy baǵdarlama nátıjesinde biz elimizdiń tynyshtyǵyn nyǵaıtyp, óskeleń urpaqty rýhanı-adamgershilik rýhynda tárbılep, dinı qarym-qatynas salasyndaǵy radıkaldyq kózqarastardyń aldyn alamyz. Bul joǵaryda aıtylyp ketkendeı, «Máńgilik El» – Qazaqstanymyzdy ata-babamyzdan qalǵan qundylyqtarymyzdy dáriptep, konfesıalyq yntamaqtastyq pen beıbitshiliktiń otany etýine óz septigin tıgizedi.
«Máńgilik el» patrıottyq aktisi ultty uıystyryp, uly maqsattarǵa jeteleıtin ıdeıa. Ideıanyń negizgi fılosofıasy, damýdan jańylmaý, ózgerýge umtylý. Qazaqta ata-babamyzdan kele jatqan «50 jylda el jańa» degen sóz bar. Iaǵnı 50 jylda adam sanasy ózgeredi, al adam sanasy aınaladaǵy saıası, áleýmettik, ekonomıkalyq ómirge baılanysty. Mine táýelsizdik kezeńinde ómir súrip 26 jyl ishinde ómirge degen kózqaras jańadan qalyptasyp kele jatyr, osy turǵydan alsaq búgingi jastardyń kreatızmi men táýelsizdik alǵanǵa deıin azamattardyń patrıotızm degen uǵymǵa kózqaras ár túrli. Olaı bolatyn bolsa patrıottyq akti qabyldanýy, sanasy jańa azamattardyń uǵymyna sáıkes máńgilik eldiń mánin jetkizip túsindirý bolatyn.
Osyǵan baılanysty qazir el birligin saqtap qalý úshin ulttyq ıdeıamyzdyń mán-maǵynasyn balabaqshadaǵy búldirshinderden bastap mektep oqýshylary men joǵarǵy oqý oryndarynyń stýdentterine deıin jete jetkizý úshin keshendi is-sharalar júzege asyrylýda. «Máńgilik El» bolý úshin «el bolam deseń, besigińdi túze» degen M.Áýezovtyń qanatty sózin eskerýimiz kerek, ıaǵnı jarqyn bolashaqqa jeteleıtin qazirgi jastar babalarymyz ańsap ótken táýelsizdiktiń týyn bıikke kótere bilýi tıis. Óıtkeni, babalarymyzdyń ulan baıtaq jerin qalaı qorǵaǵanyn, erkindikti qalaı ańsap-qadirlegenin esten shyǵarýǵa bolmaıdy. Jastar sondaı uly babalardyń urpaǵy ekendikterin sezinip, osy «Táýelsizdik», «Máńgilik El» uǵymdaryn sanalaryna sińirip, qasterlese ǵana jarqyn bolashaqqa qol jetkizedi.
