Almaty qalasy Tilderdi damytý basqarmasynyń 2017 jylǵa arnalǵan josparyna sáıkes «Rýhanı jańǵyrý» baǵdarlamasy aıasynda memlekettik tildi meńgergen etnos jastary arasynda 2017 jyly 17 qarasha kúni «Til-parasat» atty qalalyq baıqaýyn ótkizdi.

Baıqaý jastardyń arasynda memlekettik til saıasatyn keńinen nasıhattaý, qazaq tiliniń qoldanylý aıasyn keńeıtý jáne daryndy jastarǵa jan-jaqty qoldaý kórsetýdi kózdedi. Memlekettik tildiń qoldaný aıasyn arttyrý, kópshiliktiń qazaqtyń ulttyq mádenıeti men ónerine, ádebıeti men tiline degen yqylasyn arttyrý, jastar arasynda kitap oqý mádenıetin damytýdy maqsat etken.

Baıqaýǵa qatysýshylar baıqaý sharty boıynsha tómendegideı kezeńder boıynsha saıysqa tústi:

1. Usynylǵan taqyryp boıynsha daıyndyqsyz aýyzsha tusaýkeser jasaý (2-3 mın.);
2. Berilgen taqyryp boıynsha esse jazý (kólemi 1,5-2 bet, ýaqyty 35 mın.);
3. Tańdap alynǵan bıleti boıynsha juppen aýyzsha dıalog qurý (3-5 mın.);
4. «Shabyt juldyzy» qazaqsha án oryndaý, bı, kúı nemese kórkem shyǵarmadan úzindi oqý (úı tapsyrmasy, 3-5 mın.).

«Til – parasat» qalalayq baıqaýy Almaty qalasy Tilderdi damytý basqarmasynyń uıymdastyrýymen Almaty qalasy Ortalyq memlekettik muraǵatynyń ǵımaratynda memlekettik tildi erkin meńgergen orys ultynyń jastary arasynda ótti.

Baıqaýǵa Almaty qalasy aýdandarynan memlekettik tildi erkin meńgergen 18-22 jas aralyǵyndaǵy 13 úmitker qatysyp, tómendegideı saıys túrlerinen baq synasty:

1. Ózin-ózi tanystyrý;

2. Berilgen taqyryp boıynsha esse jazý;

3. Tańdap alynǵan bıleti boıynsha juppen aýyzsha dıalog qurý;

4. «Shabyt juldyzy» qazaqsha án oryndaý, bı, kúı nemese shyǵarmadan úzindi oqý.

Baıqaýǵa Naýryzbaı aýdanynyń atynan 22 jastaǵy Ýlchenko Anastasıa Iýrevna qatysyp, qasıetti qazaq tiliniń 2- shi tuǵyryna kóterilip, aýdannyń abyroıyn asqaqtatty.

Jalpy nátıje boıynsha Almaly aýdany – 1 oryn, Naýryzbaı aýdany – 2 oryn, Túrksib aýdany – 3 orynǵa ıe boldy.

Barlyq qatysýshylardy shyn júrekten quttyqtap, Respýblıkalyq baıqaýǵa joldama alǵan jeńimpazǵa sáttilik tileımiz.

Qatysýshylarǵa oıdy jetkize bilý sheberligi men sóıleý mádenıetin kórsetý talaby qoıyldy. Birinshi, ekinshi, úshinshi júldeli oryn alǵandarǵa tıisti dárejedegi dıplomdar men baǵaly syılyqtar, qatysýshylarǵa alǵys hattar men estelik syılyqtar tapsyryldy.