Nurbek Oryshybekov QR BǴM Balalar quqyǵyn qorǵaý komıtetiniń tóraǵasy bolyp taǵaıyndaldy, dep habarlaıdy Qamshy.kz aqparat agenttigi primeminister.kz saıtyna silteme jasaı otyryp.
Nurbek Orshybekov 1979 jyly Ózbekstanda Shyrshyq qalasynda dúnıege kelgen. Joǵary bilimi bar, fızıka-matematıka ǵylymdarynyń kandıdaty.
2003–2004 jyldary túrli komersıalyq uıymdarda qyzmet etken.
2004–2011 jyldary Ál-Farabı atyndaǵy Qazaq ulttyq ýnıversıtetinde oqytýshy qyzmetinen bastap, kafedra dosentine deıin eńbek etken.
QR BǴM qurylymynda 2011 jyldan bastap jumys isteıdi. Almaty jáne Astana boıynsha bilim berý salasyndaǵy Baqylaý departamentiniń dırektory qyzmetin atqarǵan.
2016 jylǵy qarashadan bastap qazirgi tańǵa deıin QR BǴM bilim jáne ǵylym salasyndaǵy baqylaý komıteti tóraǵasynyń orynbasary laýazymyn atqarǵan.
