Germanıada polıseı qyzmetkerleri Rojdestvo ýaqytyna terakt josparlaǵandardy quryqtady, dep jazady Qamshy.kz aqparat agenttigi. Quqyqqorǵaý organdarynyń boljamynsha, qylmys merekelik jármeńke ýaqytyna josparlanǵan. Bul týraly CNN habarlaıdy.
Germanıanyń 4 qalasynda 500 polıseı qyzmetkerleri arnaıy reıd júrgizdi. Nátıjesinde Sırıanyń 6 azamaty ustaldy. Sırıalyqtar rojdestvolyq jármeńkeler uıymdastyrylatyn aýdandardy búge-shúgesine deıin zerttegen.
Aıta keteıik, ótken jyly 19 jeltoqsanda Berlınniń ortalyǵynda rojdestvolyq jármeńkege jınalǵan halyqtyń arasynan júk kóligi júrip ótken. Sonyń saldarynan 12 adam qaza taýyp, 48 adam jaralandy.
