Qazaqstan Respýblıkasynyń jaqyn kórshisi ári strategıalyq seriktesi – Reseı Federasıasy bolyp tabylady. Reseı men Qazaqstan arasyn jalǵaıtyn shekara 7,5 myń shaqyrymnan astam jerdi alyp jatyr, dep jazady Qamshy.kz aqparat agenttigi. Reseı Federasıasynyń 12 sýbektisi (Altaı ólkesi, Astrahan, Volgograd, Qorǵan, Novosıbırsk, Omby, Orynbor, Samara, Saratov, Túmen jáne Chelábınsk oblystary) Qazaqstannyń jeti aımaǵymen shekaralas (Aqtóbe, Atyraý, Shyǵys Qazaqstan, Batys Qazaqstan, Qostanaı, Pavlodar jáne Soltústik Qazaqstan).
Shekaralyq yntymaqtastyq jónindegi forýmdardy ótkizý dástúri 2003 jyly paıda boldy, biraq Úkimetaralyq yntymaqtastyq jónindegi komısıa 1997 jyly qurylǵan bolatyn. Eki eldiń birligin nyǵaıtyp, arasyn jaqyndatý úshin ortaq shekaranyń boıyndaǵy ekonomıkalyq jáne basqa da qyzmetterdi retteý qajettiligi týyndady. Bul maqsatta Omby qalasynda forým uıymdastyryldy.
2010 jyly Óskemende Qazaqstan men Reseı óńiraralyq yntymaqtastyǵynyń VII forýmy ótti. Forýmnyń urany – «Turaqty damý jáne joǵary tehnologıalar salasyndaǵy yntymaqtastyq» boldy. Forýmnyń ótkizilý orny retinde – respýblıka boıynsha ınovasıalyq jobalardy damytýda jáne tehnoparkter qurý boıynsha kóshbastap turǵan Dáýlet Serikbaev atyndaǵy Shyǵys Qazaqstan memlekettik tehnıkalyq ýnıversıteti tańdaldy. Olardyń biri bolǵan – «Altaı» ýnıversıt kesheninde ornalasqan. SHQMTÝ aýmaǵynda kórme uıymdastyrylyp, oǵan Dmıtrıı Medvedev pen Nursultan Nazarbaev qatysty.
Kezdesýdi ashqan Qazaqstan Prezıdenti: «Óńiraralyq yntymaqtastyqtyń VII forýmy erekshe mańyzǵa ıe. Bul forým jańa tarıhı jaǵdaıda birinshi ret ótkizilip otyr, óıtkeni osy jyldyń shilde aıynan bastap Reseı, Belarýs jáne Qazaqstan kiretin Keden odaǵy is júzinde óz jumysyn bastady. Keden shekaralary tolyǵymen ashylyp, úsh memleketke ortaq kodeks iske qosyldy. Bul bizdiń elderimizdiń óńirleri arasyndaǵy tikeleı baılanystardyń damýyna jańa serpin beredi».
Eki el basshylary Reseı men Qazaqstannyń ekonomıkasy negizdelgen shıkizatty óndirý jáne óńdeý turaqty damý úshin jetkilikti áleýetti qamtamasyz etpeıtinin atap ótti. Sondaı-aq, forýmda turǵyn úı-kommýnaldyq sharýashylyq, nanotehnologıa jáne polımetal kenderin baıytý salasyndaǵy joǵary tehnologıalar usynyldy.
Irına Plotnıkova
