Qazaqstan Respýblıkasy Ulttyq ekonomıka mınıstrligi Statısıka komıteti iske qosqan Qazaqstan Respýblıkasynyń turǵyndar sanyn esepteýishi boıynsha Qazaqstanda árbir 81 sekýndta 1 adam tiri týady, dep habarlaıdy Qamshy.kz aqparat agenttigi.
2017 jyldyń basynda halyq sany 17 917 915 adamdy quraǵan. Al aǵymdaǵy sátte 18 146 778 adamǵa jetken. Onyń ishinde er adamdardyń sany 8 785 273-ti qurasa, áıelder 9 361 505-ke jetip otyr.
Aǵymdaǵy aıdaǵy demografıalyq oqıǵalarǵa sholý jasasaq:
- Árbir 8 sekýndta 1 adam (náreste) dúnıege tiri týady;
- Árbir 216 sekýndta 1 adam dúnıeden ozady;
- Árbir 1847 sekýndta 1 adam elge keledi (ımıgrant) ;
- Árbir 1410 sekýndta 1 adam elden ketedi (emıgrant) ;
Jyl basynan aǵymdaǵy kúnge deıin tiri týǵandar 373 201, al dúnıeden ozǵandar sany - 125 561.
Budan bólek, elimizge kelip-ketip júrgen adamdardyń sanyna sholý jasasaq: Qazaqstanda ımıgranttardan buryn emıgranttar, ıaǵnı elden ketetinder basym bolyp tur. Jyl basynan beri 15 253 adam kelse, 34 347 shekara asyp ketken. Al jalyp ósim 228 546-ny kórsetip otyr.
Búgingi tańda halyqtyń 15 jasqa deıingi sany 21,6 %-dy qurasa, 15 jastan 65 jasqa deıingi halyq sany – 71%-ǵa teń. Al 65 jastan asqan adamdar sany 7,4 %-dy qurap otyr.
15 jastan kishi adamdar sany 3 890 984-ti qurasa , onyń ishinde er adamdar – 1 987 807, al áıelder – 1 903 177. Al 15 jastan 65 jasqa deıingi (14 jastan asqan jáne 65 jasqa tolmaǵan) halyq sany – 12 890 235 bolsa, onyń ishinde er adamdar – 6 246 903 bolsa, áıelder – 6 573 332. Al 64 jastan asqan er adamdar sany – 456 532, áıelder sany 876 974.
Al Qazaqstandaǵy er adamdar men áıelderdiń ómir súrý uzaqtyǵyna keler bolsaq, er adamdar 63,2 jas, al áıelderdiń 74,1 jyl ómir súrýi kútiledi.
