Qazaqstandyq blogerler Qaraǵandy oblysynda ereýildep jatqan kenshiler jaıynda ekinshi bir pikir týdyrdy. Máselen Denıs Krıvosheev óziniń Facebook paraqshasynda shahta qyzmetkerlerin «jer astynda eshkim ustap otyrǵan joq» dep jazdy dep habarlaıdy Qamshy.kz aqparat agenttigi. 

«Nelikten olar ereýilge shyqty? Qol-aıaǵy saý, tepse temir úzetin jigitter ózderin basqa saladan tabýlaryna bolar edi», dedi.

Blogerdiń oıynsha, eger kenshilerdiń 100 paıyzǵa jalaqyny ósirý týraly talabyn oryndasa, kómir «altynǵa» aınalar edi.

Oǵan qosa, bul talapty oryndasa zeınetkerlerdiń de qaltasyna aýyrlyq túsýi múmkin dep, mysal keltirdi.

Denıs Krıvosheev:  «Qurmetti kenshiler, sizderdiń jumystaryńyz qanshalyqty aýyr ekendigin bilemiz, biraq tek sizderge ǵana qıyn zaman bolyp turǵan joq, bárimiz de tózip júrmiz ǵoı» dep jazdy.

Kenshilerdiń áreketin Sáken Bektıar da synap tastady, ol:

«Bes júz adam úshin myńdaǵan adamnyń nelikten sonsha dúrlikkeni jaıly oılaǵym da kelmeıdi, is júzinde, keńse qyzmetkerlerin de shahterdiń 150 myńy qanaǵattandyrmaıdy», dep jazdy jeli qoldanýshysy.

Oǵan qosa, bloger kompanıanyń ataýyn, ıaǵnı «ArselorMıttal Temirtaýdyń» Londondyq «Arsenal» degen ataýǵa uqsas jap-jaqsy ekendigin aıtty.

«Kenshiler qazir jaryǵy bar jerde, tamaq jep, radıo tyńdap otyr, al munda myńdaǵan Feısbýk qoldanýshylary olardy oılap qınalyp otyr», dep kenshilerdi synap tastady.