QR Qorǵanys mınıstrliginiń aqparattyq saıasatyn tıimdi júzege asyrǵany jáne qazaqstandyq armıanyń bedelin nyǵaıtýda qosqan úlesi úshin Almaty oblysynyń birqatar tilshileri QR Qorǵanys mınıstriniń gramotasy jáne alǵys hattarymen marapattaldy, dep habarlaıdy Qamshy.kz aqparat agenttigi.   

Qazaqstan Respýblıkasynyń táýelsizdigin merekeleý kúnine oraı Almaty oblysy Qorǵanys isteri jónindegi departamentinde saltanatty shara ótti. Mekeme bastyǵy polkovnık Berdibek Beristemov Qarýly Kúshtermen tyǵyz baılanysta jumys istep kele jatqan qylqalam sheberlerine sheksiz alǵysyn bildirip, keler jylda zor shyǵarmashylyq tabystar tiledi.

QR Qorǵanys mınıstrliginiń gramotalarymen «Jetisý» gazetiniń bas redaktory Ámire Árin, «Jetisý» kanalynyń shef-redaktory Nazgúl Boshan, tilshiler Irına Karákına («Ognı Alataý» gazeti), Máýlen Ánerbaı («Jetisý» gazeti), Gúlmıra Temirǵalıeva («Dıalog-Jetysý» gazeti), Márıam Jasulan («Araı+», «31 arna») marapattaldy.

Qorǵanys vedomstvosy uıymdastyrǵan dástúrli «Jas ulan» áskerı-patrıottyq ánder festıvaline qatysyp, úzdik óner kórsetken Q.Báıseıitov atyndaǵy saz kolejiniń stýdenti Quralaı Muqıat pen oqý mekemesiniń dırektory Janat Shegebaev ta Departament bastyǵynyń gramotasyn ıelendi.

Sonymen qatar, Taldyqorǵan garnızonynyń Áskerı sotynyń tóraǵasy Rınat Aqpar birqatar Qarýly Kúshter men Aýǵan soǵysy ardagerlerin gramotamen marapattady.

 Qazaqstandyq armıanyń tynys-tirshiligin joǵary kásibı deńgeıde jarıalap kele jatqan úzdik jýrnalıserdi marapattadyq. Olardyń ishinde birinshi respýblıkalyq «Áskerı medıa» festıvaliniń nomınanttary da bar. Budan keıin de BAQ ókilderimen kásibı jáne tyǵyz qarym-qatynasta baılanysta bolamyz degen senimdemin, - dep atap ótti Departament bastyǵynyń tárbıe jáne ıdeologıalyq jumystar jónnidegi orynbasary ádilet podpolkovnıgi Qýandyq Ádilbekov.

Saltanatty shara merekelik konsertpen aıaqtaldy.